Matthew 28 سے مشہور بائبلی آیات

شئیر

ကမ္ဘာပေါ်မှာရှိတဲ့ နိုင်ငံအကုန်ဟုန်းကော် ဆွားမောက် လူမျိုးအပေါင်းတေကော် ငါ့ရဲ့နောက်လိုက်တပဲ့တေဖြစ်လာစေဖော့ လုပ်ကြပါ။ အဲလူတေကော် အဖဘုရားရှင်၊ ဆားတော်န ဉာဏ်အလင်းရဲ့နံမေမှာ ရေနှစ်မင်္ဂလာပေးမောက် သင်တော့ကော် ငါပညတ်ထားဆမျှ အရာအကုန်ဟုန်းတော့ကော် စောင့်ထိန်းဖော့ ဆူ့တော့ကော် သွန်သင်ပေးကြပါ။ ငါဟလဲ ကပ်ကမ္ဘာကုန်ဆုံးတဲ့အချိန်ထိ သင်တော့နအတူ အမြဲရှိတော်မူနေမဲင်" လောက် မိန့်တော်မူဟယ်။

ဟဲင်းခါ ကိုယ်တော်ယေရှုဟ ဆူ့တော့နားကော် ချဉ်းကပ်လာမောက် "ရွှေမြို့တော်န ကမ္ဘာမ္လေပေါ်မှာ ရှိဆမျှအခွင့်အာဏာတေ ငါတော့ကော် ပေးအပ်တော်မူဝေါက်။

ဟဲင်းခါ နတ်ဒေဝါဟ အမျိုးဆမီးတေကော် "မကြောက်ကြပါနဲ့။ သင်တော့ဟ လက်ဝါးကပ်တိုင်ပေါ်မှာ တင်ခံရတဲ့ ကိုယ်တော်ယေရှုကော် ရှာနေကြဟာကော် ကျွန်ုပ်ဆိပါဟယ်။ ကိုယ်တော်ဟ ခုနေရာမှာ မရှိတော့ဘူး။ စာလောက်ဟားဆိုခါ ကိုယ်တော်မိန့်တော်မူခဲ့တဲ့အတိုင်း အဆက်ပ္လန်ရှင်ဟားလောက်ပဲဖြစ်ဟယ်။ ကိုယ်တော် လှိုင်းတော်မူခဲ့တဲ့ နေရာကော် လာကြည့်ကြပါ။

ပြီးခါ ကိုယ်တော်ယေရှုဟ ဆူ့တော့ကော် "မကြောက်ကြပါနဲ့။ တပဲ့တော်တေကော် ဂါလိလဲနယ်ကော် ဆွားဖော့ ဆွားပြောကြပါ။ အဲမှာ ငါ့ကော် ဆူ့တော့ တွေ့ကြရလိမ့်မဲင်" လောက် မိန့်တော်မူဟယ်။

ဟဲင်းခါ ဂျူးပုရောဟိတ်အကြီးအကဲတေဟ လူမျိုးခေါင်းဆောင်တေန တိုင်ပင်ဆွေးနွေးကြမောက် စစ်ဆားတေကော် ပိုက်ဆံအများဟုန်းပေးမောက် "'ညတုန်းဟ ငါတော့အိပ်ပျော်နေချိန် ကိုယ်တော်ယေရှုရဲ့တပဲ့တော်တေဟ လာမောက် အလောင်းကော် ခိုးဟားကြဟယ်' လောက် ပြောကြပါ။ ဟဲင်းသတင်းဟ ဘုရင်ခံရဲ့နားထဲကော် ရောက်ဟားခါ ဘုရင်ခံကော် ငါတော့ဖျောင်းဖျပေးမဲင်၊ သင်တော့ ဖယ်ဟာမှပူစရာမလိုဘူး" လောက် ဆိုကြဟယ်။ ဟဲင်းခါ စစ်ဆားတေဟ ပိုက်ဆံကော် ယူမောက် ဆူ့တော့ကော် ညွှန်ကြားထားတဲ့အတိုင်း ဆောင်ရွက်ကြလေဟယ်။ ဟဲင်းလဲန ဟဲင်းသတင်းဟ ဂျူးလူမျိုးတေကြားမှာ ခုနေ့ထိ ပ္လန့်နှံ့နေဟယ်။