Blasi Sturka 28 سے مشہور بائبلی آیات

شئیر

Bara yang lika man wal kamni; man ani anira wama ba yang main mai kaiki mai bri kamna, naha tasbaya ra sin kli mai bri balamna. Yang mai lulki mai swimna apia, man ra dîa aisari ba daukamna ba kat.”

Bara Jekob kaikan Dawan ai lamara bûi kan bara witin ra aisi kan: “Yang sika Dawan, damikam Ebraham Gâdka ba, Aisak Gâdka sin. Naha tasbaya man nâra yapisma na tasbaya man ra maikamni, man kiamkam nani ra sin.

Jekob ai yapanka wina rawi buan ba ra, witin naku win: “Dawan ba naha tasbaya ra nâra sa, yang tânka briras kapri.”

Bara Jekob naku pramis dauki aisin: “Âu, nanara Gâd ba yang wal impakanki ra wabia kaka, witin yabalki ra main ai kaiki ai bri wabia kaka, bara plun piaia, kwala dimaia sin aikbia kaka, bara siknis âpu pain kli aisiki watla ra tawi balamna kaka, bâra mika Dawan ba yang Gâdki kabia. Naha walpaya playa bapanka kum bapi swisna na, naha na Gâd watla kabia; bara diara nani sut aikisma ba wina, mânka matawalsip bani ba wina, mânka kumi ba man ra maiki kamna piua sut ra.”

Man kiamkam nani ba auhya ailal ba baku ailal kabia. Bara yahbra ra, waupasa ra, lalma ra, muna ra sin kiamkam nani ba bâra kabia. Bara tasba aiska ba man kiamkam ra praki yamnika ailal yabamni.

Blasi baha tawanka nina ba Luz mâki kan, sakuna nanara witin mita Betel mâkan.