Impakan Sturka 5 سے مشہور بائبلی آیات

شئیر

Baha ningkara Moses ba Eran wal king fero mawanra wan wiaia: —Dawan, Israel luhpia nani Gâdka ba, naku aisata: ‘Upliki nani ba swis upla iwras tasbaya ra taki wabia, bahara yang nini yamni kulkaia maiyunaia dukiara lilia tara daukbia.’

Yang nahara bal man ninam brih king fero mawanra aisari ba piua wina, witin bui man uplikam nani ra kau saura munisa, sakuna man lika diara kumi sin daukras witin nani ba swaki sakaia.

Bara Moses bui Dawan ra ai pura suni, win: —Dawan, ¿dîa kan naha uplika nani ra ban saura munisma? ¿Dîa dukiara man ai blikram?

Sakuna king fero aisi pana win: —¿Bara ‘Dawan ba’ yamna? ¿Bara dîa muni yang bui witin ai bîla wali Israel luhpia nani ba swirka taki wabia? Baha purkara, yang sin Dawan ba kakaira apia. Bamna Israel luhpia nani ba swirka taki wabia apia.

Sakuna kau karna aisas witin nani kau wark takaia, blok nani an paski kata ba kulkanka ba kat ban paski kaia, ¡baha wina kumi sin mâyara ikaia apia! Witin nani wark aitani âpu sa, baha mita ini makabisa: ‘¡Aikrika yang nani taki wih Gâdki ra sakripais dauki yabamna!’ Uplika nani ba kau wark karna pali daukaia yas; wark takan pali man kabia, ris briaia taim âpu kabia, baha mita kunin aisi nani bara witin nani ai lukanka mangkbia apia.