Impakan Sturka 10 سے مشہور بائبلی آیات

شئیر

Dawan bui Moses ra win: —Was king fero kaikaia, yang mita daukri witin ai uplika tara nani ba aikuki ai kupia karna upla bîla walras kaia. Bara baku yang bui witin nani bâk, warkki aihkakira nani dauki marikamni, yang warkki nahki daukaia sip sna ba. Bara man mita sin luhpiam bara mulam nani ra wiaia sma, yang nahki Idsip uplika nani ra lawaska kiki pulri ba, bara wark aihka tara nani sin witin nani tilara daukri ba. Baku man nani sin kaikaia sip sma yang sika Dawan sna ba.

Bara Dawan bila Moses ra win: —Klamhkla kasbrika tani ra purara buks, bara Idsip tasbaya purara tihmia tara kum balbia, tihmia pali kabia ba mita pana pana sip kaikras, ai lal pruki banhwi kabia. Moses ai klahkla kasbrika purara bukan, bara tihmia tara kum bal iwan Idsip tasbaya aiska purara. Tihmia tara pali aihwa kan ba mita, upla nani ba ai lamara pana pana sip kikras kan, yu yumhpa ai watla nani wina latara takras kan. Ban sakuna, Israel luhpia nani watla lika ingni bri kan.

Moses Idsip tasbaya purara ai kînka ba bukan, bara Dawan mita daukan lalma pâsa karna krawan baha yua aiska, tihmia aiska sin Idsip tasbaya purara. Bara yu wala titan ra baha lalma payaska ba mita, kruhkru nani banhki takan. Pura luan baha sât kruhkru ailal kau kaikras kan, baha yua kat, kli sin ban baku baman kabia apia.