Mothi 7 سے مشہور بائبلی آیات

شئیر

"Bidi, nokhnw rwnai, rutubdi rutubwi mannai, tei je duar tuknai bini bagwi phiyokjaknai.

Binairok bok mannai, rutubnairok bok rutubwi mannai, arw dualam toknairok, bokni bagwi dualam phiyokjaknai.

"Okwithani Ang sagw, kaisaswk Ani kokroknw khanagw tei paleyw hingkhlai, bw imwtwijar bujuganang borogni kosol, jebw holong sakao bini nok tangkha.

Nokh borogrokni daini jetinjar yakwl manni muchu nokhbw bokbai omotwijar yakwl khalaidi. Imwi ongkha Mosini kerong tei diyarirokni phwrwngmani nangru kok.

Matwr je lama langma aita tilangwi thang obwni duarbw kesep tei lamabw kesep. Kisasa borog o lamanw rutubwi manw.

"Kesep dualamtwi habdi, twmwi hinba je lama nachra aita tilangwi thang obwni dualam kuar arw lamabw kotor. Kabangma borogbw obwni bisingtwi habw.

Nokh chaya ongwibw jwtini nokhni basa bwtwinw manwi gam gam rwni bijiyw, hingkhlai nokhni chukhani Aphani dayw jebwrok bi Bw boknw bwswkse gam gam manwi rwnai!

"Nokh beni nalchir takhalaidi, nokhbw nalchirw khalaiyatwi. Twmwi hinba jebwtwijar nokh beni nalchir khalai, obwtwijar nokhnibw nalchir khalainai, jekhalawi nokh ratagwi rw araikhalai nokhnwbw ratanai.

Kaisaswk Ani i koknw khanagwi paleya khalai, bw imwtwijar butua borog, jebw hachikong sakao nok tangkha.

"Nwng keber nini takhokni mokolni phwnnwse nungdok, matwr nini mokolw tongnai bophang bechalanw tani nungdokya? Jephuo nini mokolw bophang bechala tong aiphuo nwng tama khalaiwi nini takhuknw saman, 'Phaidi, nini mokol daini phwnnw kariywi rwgana?'

"Phatra Diyarirokni daini hus khalai tongdi. Bok nokhni orw merani aru lagwise phayw, matwr kha bisinglai bok ukhrijak masani kosol. Bokni langmao je bathai nungjak obwbai nokh boknw sininw. Busu bwlwngw uamtwi thaiya, raisok bwlwngwbw dwrmw thaiya.

Araijar jotho bophang gamw gam bathai thaiyw arw chaya bophangw chaya bathai thayw.

Bophang gam chaya bwthai romaya arw bophang chaya gam bathai rwmaya.

Je bophangw gam bathai thaiya obwnw tangwi hot dayw rwgw.