ମାର୍‌କ 2 سے مشہور بائبلی آیات

شئیر

ସା' ଜିସୁଲା ଗୁତୁନ୍‌ ଅଂଅଁ'ସେକ୍‌ ଆମା'ଏ ସୁନ' “ସି ବାଂକୁନୁଂ ରେମ୍‌ବକ୍‌ଉ ଡାକ୍‌ଟର୍‌ ଦର୍‌କାର୍‌, ବଲ୍‌ଡୁକୁନୁଂ ରେମପୁଲେଇ ଦର୍‌କାର୍‌ ଆରାକ୍‌ । ଜା ନିଂ ଅବୁଦି ବଲ୍‌ରେମ୍‌ ଡ'ସେକ୍‌ ଏତ୍‌ଗୁତା ମାଇପୁଲେଇ ନିଂ ସାକ୍‌ ଆଡୁତିଂ । ମାତର୍‌ ଜା ନିଂ ଅବୁଦି ପାପ୍‌ବାଇ' ଡ'ସେକ୍‌ ଏତ୍‌ଗୁତା ମାଇପୁଲେଇଉ ନିଂ ସା'ଗୁତିଂ” ଡ'ସେକ୍‌ ସୁନ' ।

ସା' ଆତୁନ୍‌ ଗୁଇ'ସାର୍‌ତିଲ' ଗୁଇ'ସାର୍‌ସୁଂଅଁ'କୁନୁଂବାଇ' ସିଲା ମିଏସା ବାନି ଡେମ୍‌ତ ଡ'ସେକ୍‌ ସାର୍‌ଲକ୍‌ ବିସ୍‌ବାସ୍‌ ଡେମ'କୁନୁଂ ଜିସୁଲା ଜୁଲ' । ଜୁଲ'ସେକ୍‌ ଜିସୁଲା ଆତୁନ୍‌ ଗୁଇ'ସାର୍‌ତିଲ' ଗୁଇ'ସାର୍‌ସୁଂଅଁ'କୁନୁଂବାଇ' ସିଲା ସୁନ' “ଅ ମେ', ନନ୍‌ ପାପ୍‌କାମ୍‌ ଗୁଲାଇ ନିଂ କେମା ଡେମ'ନିଂ” ଡ'ସେକ୍‌ ସୁନ' ।

ମାରି ଜିସୁଲା ଆମା'ଏ ସୁନ' “ରେମଲେନା ବଲ୍‌ପୁଲେଇଉ ବିସ୍‌ରାମ୍‌ଦିନ୍‌ ଅ'ରଇଁୟ'ତା । ବିସ୍‌ରାମ୍‌ଦିନ୍‌ନା ବଲ୍‌ପୁଲେଇ ଡ'ସେକ୍‌ ଆରେମଲେ ଅ'ରଇଁୟ' ଆଡୁତା ।

ସା' ଗୁତୁନ୍‌ ଡିଂଅଁବକ୍‌ ଅବୁଦିର ଡୁକୁସା' ଆମାଇ ଜିସୁନ୍‌ ଉନ୍‌ତୁ' ଇନ୍‌ଡ୍‌ରିଂ ଆଗଂତା । ସା' ଗୁତୁନ୍‌ ଡିଂଅଁନ୍‌ ଗି'ଡାଂପୁଲେଇଁବକ୍‌ ସାର୍‌ଲକ୍‌ ଡାଇ'ସେକ୍‌ ଜିସୁଲା ଲେଇ'କୁନୁଂକନ୍‌ଡେକ୍‌ ଗି'ଡାଂପୁଲେଇଁ ଗାଁସାଡ'ସେକ୍‌ ଆତୁନ୍‌ ଗୁଇ'ସାର୍‌ତିଲ' ଗୁଇ'ସାର୍‌ସୁଂଅଁ'କୁନୁଂବାଇ' ସି ରେମବକ୍‌ ବିନେସାକ୍‌ବୁରଂ ବାଗ୍‌ବକ୍‌କୁରୁଂ ଅ'ଜର' ।

ମାପ୍‌ରୁ ବେନ୍‌ଟାୟ'ସା' ସା'କୁନୁଂ ଆରେମନା ଉଁ'ଉଁ, କେନ୍‌ ଦର୍‌ତନିବକ୍‌ ଗୁଲାଇରନା ପାପ୍‌ କେମା ଡିନ୍‌ଡେମ୍‌ପୁଲେଇ ଅଦିକାର୍‌ ଡୁତା ଡ'ସେକ୍‌ ଆ'ନା ପେ ଜୁଲ'କୁଲା ।” ଜିସୁଲା ଆମା'ଏ ଡି'କେନ୍‌ ସୁନ'ସେକ୍‌ ଆଡିରି'କୁନୁଂଆଁ ସୁନ' “ନ ତକ୍‌ଡା'ଗ୍‌ସେ'ଗା ନନ୍‌ ବିନେସାକ୍‌ ଜୁଗ' ଡିଂଅଁବକ୍‌ ଇ'ଡା ଡ'ସେକ୍‌ ନିଂ ଆନ ସୁନ'ତିଂ” ଡ'ସେକ୍‌ ସୁନ' ।

ମାରି ନିଂ ମି ସୁନ'ନା ଅବୁଦି ଅଲୁ? ଆମାଇ ନନ୍‌ ପାପ୍‌ ନିଂ କେମା ଡେମ'ନିଂ ଡ'ସେକ୍‌ ସୁନ'ନା ଅଲୁ କି ନ ତକ୍‌ଡାକ୍‌ସେକ୍‌ ନନ୍‌ ବିନେସାକ୍‌ ଜୁଗ' ଉରିଂ ଡ'ସେକ୍‌ ସୁନ'ନା ଅଲୁ?

ସା' ମା'ଏ ଗୁଲାଇର ଜୁଲ'କୁନୁଂବକ୍‌ଉ ଗୁତୁନ୍‌ ଗୁଇ'ସାର୍‌ତିଲ' ଗୁଇ'ସାର୍‌ସୁଂଅଁ'କୁନୁଂବାଇ' ସିଲା ବଲ୍‌ ଡେଂସେକ୍‌ ତଗ୍‌ଡା'ଗା' । ତକ୍‌ଡାକ୍‌ସେକ୍‌ ମାଇନା ବିନେସାକ୍‌ ଜୁଗ'ସେକ୍‌ ଗୁତୁନ୍‌ ଡିଂଅଁକୁରୁଂ ସେଟ୍‌ଟ' ବାଇରି ତୁର୍‌ଗା' । ତୁର୍‌ଗା'ସା' ଗୁତୁନ୍‌ ଜୁଲ'କୁନୁଂଏଁ ଗୁଲାଇର କାବାକାବା ଡେଂଉଇସେ'ଗା “ଇନ୍‌ଡଇ'ଏସା ଡି'କେନ୍‌ବାଇ' ଜୁଲ' ଆଡୁତୁନେଇ” ଡ'ସେକ୍‌ ଆମାପ୍‌ରୁ ସୁନ୍‌ଡ୍‌ରବାଲୁକ୍‌ସେକ୍‌ ସୁନ' ।