ମାର୍‌କ 16 سے مشہور بائبلی آیات

شئیر

ଜିସୁଲା ଆମାଇନା ରେମଲେ ସୁନ' “ପେ ଗୁଲାଇ ଦେସ୍‌ଦୁନିଆବକ୍‌ ଉୟା । ଉଇସେକ୍‌ ମାପ୍‌ରୁନା ବଲ୍‌କବର୍‌ ଆଗୁଲାଇର ସୁଁ ।

ଜାଜା ଆନିଂ ବିସ୍‌ବାସ୍‌ ଡେମ୍‌ତ ମା'ଏ କାବାକାବା ଡିନ୍‌ଡେମ୍‌ବାଇ' କାମ୍‌ ଅବୁଦି ଡିନ୍‌ଡେମ୍‌ ଗଂତା । ମାମା ଡ'ନା: ମା'ଏ ନିଂନା ଇମି ସୁନ'ସେ'ଗା ଆବୁତ୍‌ଲେ ଞୁଁଞ ଗଂତା, ମାରି ମା'ଏ ତିମେ ତିମେ ତୁମ' ଅଇଁତ । ମା'ଏ ଅବୁଦି ବିସ୍‌ବାଇ' ବୁବୁ'ବକ୍‌ ତିତିବୁରଂ ସବ'ନାସା ବିସ୍‌ବାଇ' ମା ଇଡ'ନାସା ଆମା'ଏ ମାସା ଆଡେନ୍‌ତା । ମାପ୍‌ରୁ ଆନ ବଲ୍‌ ଡେମେଇ' ଡ'ସେ'ଗା ମା'ଏନା ତିତିବୁରଂ ଆସିରେମ୍‌ ଆଲାମ'ନା ସିରେମ୍‌ସା ବଲ୍‌ ଡେନ୍‌ତା” ଡ'ସେକ୍‌ ସୁନ' ।

ପେ ସୁନ'କୁନୁଂ ବଲ୍‌କବର୍‌ ଅଂଅଁ'ସେକ୍‌ ଜା ବିସ୍‌ବାସ୍‌ ଡେମ୍‌ତ ମାରି ବାପ୍‌ତିସ୍‌ମା ରିଂତା ଆମାଇ ମାପ୍‌ରୁ ରକ୍‌ୟା ଡେମ୍‌ତ । ପେ ସୁନ'କୁନୁଂ ବଲ୍‌କବର୍‌ ଅଂଅଁ'ସେକ୍‌ ଜା ବିସ୍‌ବାସ୍‌ ଆଡେମ୍‌ତ ଆମାଇ ମାପ୍‌ରୁ ବିସାର୍‌ନା ଡେମ'ସେକ୍‌ ଡନ୍‌ଡ୍‌କସ୍‌ଟ ବେ'ତ ।

ଜିସୁନା ସିସ୍‌ୟଲେ ଉନ୍‌ତ୍‌କୁରୁଂ ତୁର୍‌ସେକ୍‌ ଗୁଲାଇ ଦେସ୍‌ଦୁନିଆବକ୍‌ ଉଇସେକ୍‌ ଆଗୁଲାଇର ମାପ୍‌ରୁନା ବଲ୍‌କବର୍‌ ସୁନ' । ପ୍ରବୁ ଆମା'ଏ ସାନ୍‌ଡୁଂଅଁ'ସା' ମା'ଏ ସୁଁସୁବେଲା ଅବୁଦି କାବାକାବା ଡିନ୍‌ଡେମ୍‌ବାଇ' କାମ୍‌ସା ଡିନ୍‌ଡେମ୍‌ ଗଂଗା' । ଗୁତୁନ୍‌ ଗୁଲାଇ ଜୁଲ'ସେକ୍‌ ରେମଲେ ମାପ୍‌ରୁନା ତୁମ' ବିସ୍‌ବାସ୍‌ ଡେମ' ।

ସା' ଗୁତୁନ୍‌ ଇଂଗେରା ଆମା'ଏ ସୁନ' “ପେ ଆବୁତୁଂଗା', ଆତୁନ୍‌ କୁର୍‌ସବକ୍‌ ଅଗୁୟ'କୁନୁଂ ଆନାଜରିତ୍‌ନା ଜିସୁଲା ପେ ତୁର'ତୁପେ ଇ? ମାଇ ଆକେ ଆଡୁତା! ମାଇ ବୁରଗା'! ଜୁ, ଆମାଇ ଆକେଉ ଅଡିରିଗ'ବୁଂଅଁ' ।

ସା' ମା'ଏ ଆତା ଡେଲ'ସା ଡାନ୍‌ଡର୍‌ବକ୍‌ନା ଗୁତୁନ୍‌ ବୁଡାଲା ବୁରେ ରୁଗ'ସେକ୍‌ ଅ'କୁର' ବୁଂଅଁ'କୁନୁଂ ଜୁଲ' । ସା' ମା'ଏ ଗୁତୁନ୍‌ ଲାଗ୍‌ଲାଗ୍‌ବକ୍‌ ଗାଇସେ'ଗା ଜୁଲ'ସା' ସୁସୁମ୍‌ତିକୁରୁଂ ମୁଇନ୍‌ଡା ଇଂଗେର୍‌ସେଲାବାଇ' ଇଂଗେରା ତୁଲୁଇବାଇ' ଇମ୍‌ପ' କୁକୁଇସେକ୍‌ ଲେଇ'କୁନୁଂ ଜୁଲ' । ଆମାଇ ଜୁଲ'ସେକ୍‌ ମା'ଏ ରାକ୍‌ତି'ଗା' ।