رسولانِ اعمال 5 سے مشہور بائبلی آیات

شئیر

ولی پِطرُس و بقیه رسولان جواب بدَه ئید: «اَمان بایستی خُدا جا اطاعت بُکونیم نه آدمانِ جا.

و اوشان هر روج، چی معبد درون و چی خانه ئان درون، تعلیمِ دئن جا و خُب خبر فدَنِ جا، کی عیسی هو مسیح موعود ایسه دس اونسادید.

ولی پِطرُس اونَ بگفت: «اَی حَنانیا، چره وَئَشتی شیطان تی دیلَ اوجور پُرَ کونه کی روح القدّسَ دوروغ بگی و ایپچه اُ زمین پولِ جا تِرِه بدَری؟ مگه قبل اَنکی بُفروشی، تی شین نُبو؟ مگه بعداَنکی بفُروختی ئم اونِ پول تی ورجه ننَه بو؟ چی باعث بُبوست کی تی دیلِ درون اَ فیکرَ بُکونی؟ تو نه آدَمی یَ، بَلکی خُدایَ دوروغ بگفتی!» هَطوکی حَنانیا اَ گبانَ بیشتاوَست، زمین سر بکَفت و خو آخرتا نفسَ بکشه! و تمان اوشانیَ کی اَ گبانَ بیشتاوستید خَیلی ترس اوساد.

پس هه جریان واسی ئَم شمرأ گَم کی اَ آدمانِ جا دس بِکشید و اوشانَ به خوشانِ حال بَنید. چونکی اَگه اَشان قصد و نیَّت آدمی جا ببه، به جائی فأنرسه. ولی اَگه خُدا جا ببه، نتانید اوشان جُلُوی بیگیرید، حتی امکان دَره کی اُ موقع خُدا مرا جنگ بُکوده بید!»