روملو‌لارا 6 سے مشہور بائبلی آیات

شئیر

چونکی گوناهین موزدی اؤلومدور، آمّا تارینین هدئیّه‌سی ربّئمئز مسئح عئسادا ابدی حیاتدیر.

گوناه سئزه حؤکمرانلیق اله‎ مئیه‌جک؛ چونکی سئز شرئعت آلتیندا یوخ، فیض آلتینداسیز.

بونا گؤره ده، اونون اؤلومونده تعمئد اولونماق ‎ائنان بئز ده اونونان برابر دفن اولونموشوق؛ اله کی، نجه مسئح آتانین جلالینین واسئطه‌سی‌ ائنن اؤلولردن دئرئلدی، بئز ده همن جور حیاتین تزه‌لئیئنده یاشایاق.

بدنئزئن عوضولرئنی ده پئسلئک آلتلری اولماق اوچون گوناها تسلئم اله‎ مه‌یئن. آمّا اؤزوزی اؤلولردن دئرئلنلر کئمی تارییا و بدنئزئن عوضولرئنی ده صالحلئک آلتلری اولماق اوچون تارییا تسلئم اله‌یئن.

بونی بئلئرئک کی، کؤهنه مَنلئیئمئز اونونان چارمیخا چکئلدی، اله کی، گوناهین بدنی قووّتدن دوشسون و آرتیق گوناها قول اولمایاق.

بله ده، سئز ده اؤزوزی گوناها اؤلی، آمّا مسئح عئسادا تارییا دئری سایین.

بس نه دئیک؟ اله بله گوناه اله‎ یَک کی، تارینین فیضی چوخالسین؟ اصلا! بئز کی، گوناها اؤلدوک، آرتیق اوندا نجه یاشایا بئله‌رئک؟

مگر بئلمئرسئز کی، ائطاعت اله‌ین قوللار کئمی، اؤزوزی کئمه تسلئم الئیه‌سئز اونون قوللاریسیز؟ ائستر اؤلوم گتئرن گوناها اولسون، ائستر صالحلئک گتئرن ائطاعته.

آمّا تارییا شوکور اولسون کی، اوّل گوناهین قوللاری اولدوغوز حالدا، او تعلئمدن اورَکدن ائطاعت اله‎ دئز کی، اؤزوزی اونا تسلئم اله‌دئز. و گوناهدان آزاد اولوب، صالحلئیئن قولی اولوبسوز.