مرقوس روایت 12 سے مشہور بائبلی آیات

شئیر

عئسا جاواب وردی: «حؤکملرئن لاپ موهومی بودور: ”اشئت ای ائسرایئل! رب تاریمیز واحئددئر. رب تارینی بوتون اوره‌یئندن، بوتون جانیندان، بوتون فئکرئندن، و بوتون قووّتئن‎ ائنن سِو.“ ائکئنجی حؤکم بودور: ”قونشونی دا اؤزون کئمی سِو.“بولاردان بؤیوک حؤکم یوخدور.»

عئسا شاگئردلرئنی یانینا چاغیریب ددی: «دوغروسونی سئزه دیئرم، بو کاسیب دول آرواد صاندیغا پول آتانلارین هامیسیندان چوخ‌ آتدی. چونکی اولارین هامیسی اؤز وارلارینین چوغلوغوندان هَدئیّه وردئلر، آمّا بو آرواد کاسیبلیغینا باخماییب، بوتون وارینی یعنی کِچئنمک اوچون اَلئنده نه وار‎ائدی، وِردی.»

عئسا معبدئن هدئیّه صاندیغینین قاباغیندا اوتوروب، خالقین نجه صاندیغا پول آتدیغینا باخیردی. بئر چوخ وارلی آداملار چوخ پول آتیردیلار. اولاردان سورا بئر دول آرواد گلئب، ائکی قارا پول صاندیغا آتدی.

و اونی بوتون اوره‎ یئند‎ن، بوتون فهمئندن و بوتون قووّتئندن سومک، و قونشونی دا اؤزون کئمی سومک بوتون یاندیرما هدئیّه‌لر و قوربانلاردان ارزئشلی‌دئر.»

عئسا اولارا ددی: «او زامان ائمپراطورون مالینی ائمپراطورا، تارینین مالینی دا تارییا ورئن.» اولار اونون سوزلرئندن حیرتدن مات قالدیلار.