Psalms 103 سے مشہور بائبلی آیات

شئیر

အို ငါ၏စိတ်ဝိဉာာဉ်၊ ဘုရားရှင်ကို ကောင်းချီးထောမနာပြုလော့။ ကိုယ်တော်၏ ကျေးဇူးတော်အပေါင်းကို မမေ့လျော့နှင့်။

ကိုယ်တော်သည် ငါ၌ရှိသမျှသောအပြစ်တရားတို့ကို ဖြေလွှတ်တော်မူ၍ ငါ၏အနာရောဂါရှိသမျှတို့ကိုလည်း ပျောက်ကင်းစေတော်မူ၏။ ကိုယ်တော်သည် ငါ့အားသေဘေးမှ ကယ်တင်တော်မူ၍ မေတ္တာတော်နှင့် ဂရုဏာတော်တို့ဖြင့် လွမ်းခြုံတော်မူ၏။ ကိုယ်တော်သည် ငါ့အား ကောင်းချီးပေးသနားတော်မူသဖြင့် ငါသည် လင်းယုန်ငှက်ကဲ့သို့ နုပျိုသန်စွမ်းလျှက်ရှိ၏။

အို ငါ၏စိတ်ဝိဉာာဉ်၊ ဘုရားရှင်ကို ကောင်းချီးထောမနာပြုလော့။ ငါ၏အထဲ၌ ရှိသမျှတို့၊ ကိုယ်တော်၏ သန့်ရှင်းသောနာမတော်ကို ကောင်းချီးထောမနာပြုကြလော့။

ဖခင်သည် သားသမီးတို့အား သနားကြင်နာသကဲ့သို့ ဘုရားရှင်သည် မိမိအားကြောက်ရွံ့ရိုသေသူအပေါင်းတို့ကို သနားကြင်နာတော်မူ၏။

အရှေ့အစွန်းသည် အနောက်အစွန်းနှင့်ဝေးကွာလှသည့်အတိုင်း ကိုယ်တော်သည် ငါတို့ကျူးလွန်သောအပြစ်များကို ငါတို့နှင့် ဝေးကွာစေတော်မူ၏။

ဘုရားရှင်သည် သနားကြင်နာတော်မ၍ စိတ်ရှည်သီးခံတော်မူလျက် ခိုင်မြဲသော မေတ္တာတရားနှင့်ပြည့်ဝတော်မူ၏။

ငါတို့၏အပြစ်နှင့်အညီ ခံထိုက်သောပြစ်ဒဏ်ကို ခံစေတော်မူခြင်းမရှိ။ ငါတို့၌ အပြစ်များနှင့် အမှားများရှိသည့်အတိုင်း အပြစ်ပေးတော်မမူ။ အကြောင်းမူကား ကမ္ဘာမြေကြီးပေါ်၌ ကောင်းကင်သည် မြင့်မားလှသည့်အတိုင်း ကိုယ်တော်ကို ကြောက်ရွံ့သောသူတို့အတွက် ထားရှိသော မေတ္တာတော်သည် ကြီးမားတော်မူ၏။

ဘုရားရှင်သည် မိမိ၏ ရာဇပလ္လင်ကို ရွှေမြို့တော်၌ တည်တော်မူ၏။ ကိုယ်တော်၏ သာသနာတော်သည်လည်း အရာခပ်သိမ်းတို့ကို အုပ်စိုးတော်မူ၏။