ရှင်လုကာ 9 سے مشہور بائبلی آیات

شئیر

ထို့နောက် ကိုယ်တော်က လူထုပရိသတ်တို့အား “မည်သူမဆို ငါ၏နောက်သို့ လိုက်လိုလျှင် ကိုယ်ကျိုးကိုစွန့်၍ မိမိ၏လက်ဝါးကပ်တိုင်ကို ကိုယ်တိုင်ထမ်းကာ နေ့စဉ်ရက်ဆက် ငါ့နောက်ကိုလိုက်ရမည်။

မိမိအသက်ကို ကယ်တင်လိုသောသူသည် ဆုံးရှုံးရလိမ့်မည်။ သို့သော် ငါ့အတွက် မိမိအသက်ကို စွန့်သောသူသည်ကား ကယ်တင်ခြင်းကို ခံရလိမ့်မည်။

ကိုယ်တော်က “လယ်ကိုထွန်လျက် နောက်သို့လှည့်ကြည့်တတ်သော လယ်သမား၏အလုပ်သည် တွင်ကျယ်လိမ့်မည်မဟုတ်။ ထိုနည်းတူစွာ ငါ့နောက်သို့လိုက်လိုလျက် မိမိ၏ဘဝဟောင်းသို့ ပြန်သွားလိုသောသူသည်လည်း ဘုရားရှင်၏သာသနာတော်နှင့် မထိုက်တန်” ဟုမိန့်တော်မူလေ၏။

လူသည် ကမ္ဘာလောကတစ်ခုလုံးကို ပိုင်ဆိုင်ရသော်လည်း ဘဝအသက်တာ ပျက်စီးဆုံးရှုံးရလျှင် မည်သည့်အကျိုးရှိမည်နည်း။

သင်တို့သည် ငါနှင့် ငါ့တရားစကားအတွက် ရှက်ကြောက်လျှင် လူ့သားတော်ဖြစ်သည့်ငါသည်လည်း မိမိ၏ဘုန်းအသရေ၊ အဖဘုရား၏ဘုန်းကျက်သရေတော်နှင့် မြင့်မြတ်သောနတ်ဒေဝါများ၏ဘုန်းအသရေတို့ကိုဆောင်လျက် ဤလောကကမ္ဘာသို့ ပြန်လည်ကြွလာသောအခါ၌ သင်တို့သည် ငါ၏နောက်လိုက်တပည့်တော်များ မဟုတ်ကြောင်း ငါငြင်းပယ်တော်မူမည်။

ကိုယ်တော်က “မြေခွေးတို့၌ တွင်းရှိကြ၏။ ငှက်တို့၌လည်း အသိုက်များရှိကြ၏။ သို့သော် ငါ၊ လူ့သားတော်၌မှာမူကား ခေါင်းချစရာနေရာမရှိ” ဟု မိန့်တော်မူ၏။

တပည့်တော်တို့အား “မည်သူမဆို ဤကလေးငယ်ကို ငါ၏နာမ၌ လက်ခံသောသူသည် ငါ့ကိုလက်ခံခြင်းဖြစ်၏။ ငါ့ကိုလက်ခံသောသူသည် ငါ့ကို စေလွှတ်တော်မူသောအရှင်ကို လက်ခံသောသူဖြစ်၏။ အကြောင်းမူကား သင်တို့အားလုံးတွင် အငယ်ဆုံးသောသူသည် အကြီးမြတ်ဆုံးသောသူဖြစ်၏” ဟုမိန့်တော်မူလေ၏။