1 Corinto 12 سے مشہور بائبلی آیات

شئیر

Inatádden nu Banal a Ispirito u balang essa nikitam ti sadile tam a kaluub, tánni magserbi kitam tu kaguman tam hide para tu kapiyaan de.

Nadid, hikam u bággi ni Cristo. Sakay u bawat essa ay parte nu bággi na.

Ni masakitan u essa a parte, ay masakitan be u atanan a bággi. Ni maparangalan u essa a parte, ay masaya hide a atanan.

U agum nikitam ay inatádden nu Banal a Ispirito ti kakayanan a mángbaheta tu upos nu Diyos a nebagay tu kailangan nu mánnampalataya hide. U agum be ay u kakayanan a ipaliwanag u karunungan nu Diyos, pero i iye hide ay naggábwat be tu Banal a Ispirito. Iye labe a Ispirito u nángkaluub tu agum ti dakál a pánnampalataya tu Diyos, sakay u agum ay tehhod a kapangyariyan a magpapiyya tu te saket hide. Tehhod a pinagkaluuben ti kapangyariyan a makagimet ti makataka-taka a bagay; sakay u agum be ay pinagkaluuban ti kakayanan a magin prupeta. Tehhod be a pinagkaluuben ti kakayanan a makatukoy ni u kapangyariyan nu tolay ay gábwat tu Banal a Ispirito oni tu mágkadukás hide a ispirito. U agum be ay tehhod a kakayanan a makapagupos ti iba-iba a upos, sakay u agum ay u kakayanan a makapángpaliwanag ti upussan itod hide.

Eessa la a Ispirito u náng-atád ti iye a atanan, sakay ibahagi na iye tu balang essa ayun tu kagustuwan na.

Konna hod u ginimet nu Diyos tánni magkaessa a mamágtulung u bawat parte nu bággi, sakay mamágmalasakitan hide.

Nadid, tehhod kitam a iba-iba a kaluub, pero eessa la u Ispirito a mágkaluub ti iye. Sakay tehhod be a iba-iba a kalase ni págserbi, pero eessa la a Panginoon u pagserbiyan tam. Sakay tehhod be a iba-iba u ipagimet u Diyos tu balang essa nikitam pero u Diyos labe u nángkaluub tu kakayanan para gimitán iye hide.

Sakay nángdatton u Diyos tu mánnampalataya hide ti kaluub. U dipalongo ay u apostol hide; u kaduwwa ay u propeta hide, sakay u katallo ay u tagapagtoldu hide tu upos nu Diyos. Nángdátton be siya ti tolay a makagimet ti makataka-taka, makapagpapiyya tu te saket, te tagatulong, te taga pangasiwa, sakay tehhod be a makapagupos ti iba-iba a upos.

U bággi ay binuo nu makpal a parte, bakán la a eessa a parte.

Ni tuusán, u parte hide a kumán a mágkahina ay sa itod pa u mas kailangan.

Ni puro mata u buo a bággi, kodya wád iye a makasaneg? Ni puro be a talinga u buo a bággi, kodya wád iye a makaahob? Kaya ngane, ayun tu kagustuwan nu Diyos, indátton na u bawat parte nu bággi tam ayun tu tama a kegamitan nu bawat parte. Ni eessa la iye a parte, ay awan iye makagi a baggi.