मर्कूस 6 سے مشہور بائبلی آیات

شئیر

येशू चेलनसे कही, “आओ, एक जंगली इलाकामे जामएं जहाँ हम इकल्ले रहिपामएं और थोरी देर अराम करपामएं।” काहेकी हुवाँ आनजान बारे बहुत रहएं, और जहेमारे येशू और बाके चेलनके खानु खानतक फुर्सत नाए मिलत रहए।

तओ येशू उनसे कही, “अगमबक्ताके बोको गाउँ, घर और अपने नातेदारनके बीचमे आदर नाए होत हए”

जब येशू किनारे उतरो तओ बो एक बहुत भारी भिड देखी, और येशू दयासे भरीगओ। काहेकी बिनको कोइ अगुवा नाए रहए जौन बिनको देखभार करसकए। ठिक उइसीयए जैसेकी, जौन भेंणनको कोइ बकरेहेरा नाए होत हए। और येशू बिनके बहुत बात सिखान लागो रहए।

और उनको अबिश्वासके मारे, येशू कोइ-कोइ बिमार आदमीनके उपर हात धरके अच्छो करनके अलाबा औ जद्धा शक्तिशाली चमत्कार नाए करपाइ। येशू बिनको अबिश्वास देखके अचम्मो पणो। तओ येशू आसपिसके गाउँ गाउँमे शिक्षा देत जान लागो।

येशू बे पाँच रोटी और दुई मछ्री लैके स्वर्ग घेन देखी और परमेश्वरके धन्यबाद दइके रोटी तोडी और खुद्रा-खुद्रा करी। तओ आदमीनके बाँट देमएं करके चेलनसे कही, और बे दुई मछ्री फिर येशू सबके बाँट दइ। उनको सबनको जितका मन रहए उतकए खाइं और अघाइ गए। जब सब जनै खाए डारीं तओ चेला उबरो भओ खुदरा खुदरी रोटी और मछ्रीके इकट्ठा करके बे बाह्र डलैया बटोरीं।