मर्कूस 10 سے مشہور بائبلی آیات

شئیر

मए अइसो जाकेमारे कहात हओं काहेकी मए आदमीको लौंणा, दुस्रेकी सेवा करनके ताहीं जा दुनियामे आओ हओं। मए जाकेमारे नाए आओ, कि दुस्रे मिर सेवा करएं। मए आदमीनके बिनके पापनसे मोल तिरके छुटानके ताहीं अपन जीबन देनआओ हओं।”

येशू बिनके देखके कही, “आदमीके ताहीं जा असम्भब हए पर परमेश्वरके ताहीं नाएहए, काहेकी परमेश्वरके ताहीं त सब बात सम्भब हए।”

तओ येशू बोसे कही, “मए तोके अच्छो कर रहो हओं काहेकी तए मोए मे बिश्वास करत हए। तभीमारे अब तए घर जाए सकत हए।” तओ बो तुरन्त देखन बारो भओ, और डगरमे येशूके पिच्छु-पिच्छु नेँगन लागो।

तभीमारे जौनके परमेश्वर एकए सँग जोडी हए, कोइ फिर आदमी बिनके अलग नाए करए।”

येशू जा आदमीके ताहीं सच्चो प्यार महसुस करी जैसियए येशू बोके देखी और कही, “एक और बात हए जो तोके करन जरुरी हए। जो कुछ तिर सँग हए बोके बेँचके रुपैया गरीब आदमीके दे। अगर तए अइसे करैगो, तओ तिर ठिन स्वर्गमे धनसम्पति होबैगो। तओ फिर आएके मिर चेला बननके ताहीं मिर पिच्छु लाग।”

येशू बोसे कही, “तए का चाँहत हए, मए तिर ताहीं का करओं?” बो अन्धरा आदमी बासे कही, “महान गुरु, मए चाँहत हओं, कि मए देख पामओं।”

पर तुम बिनके जैसो मतहोबओ। बल्कि तुम मैसे जौन अगुवा बनन चाँहत हए, बोके एकदुस्रेक सेवा करन चाहो। बो जौन दुस्रेके अगुवाइ करन चाँहत हए, बोके एक सेवक कता सबको सेवा करनपणो।

नेहात्तओ, मए तुमसे कहात हओं, जौन आदमी बालकनके कता अपनएके परमेश्वरको राज्यमे नाए सौँपत हए, कहेसे बे बाको राज्यमे बक आदमी नाए बनपामंगे।”

पर बहुत जो हबए पहिले हएं, बे समयमे पिच्छु होमंगे, और जो कोइ हबए पिच्छु हएं, बो समयमे बे अग्गु हुइहएं।”

पर सृष्टिको सुरुमे परमेश्वर सबकुछ बनाइ, और मनैके ‘लोग और बैयर’ करके बनाइ। जहेमारे परमेश्वर कहात हए, कि ‘एक लोग और बैयर बेहा करत हएं, बे बेहा पिच्छु अपन अइयादौवाके सँग बैठत नाए होत हएं। और बेहा करनसे अग्गु बे दुई शरीर होत हएं पर बेहाके पिच्छु बिनके परमेश्वर एकए आदमी जैसो मानत हए।’