Matius 5 سے مشہور بائبلی آیات

شئیر

Roonamo inda dhaangia o mia moparorena padamara kasiimpo atutubhiakea langka. Incia bheadhikaia o padamara sumai i aena padamara mamudhaakana amembali asuluwi bhari-bharia mia i nuncana bhanua. Mboo sumai uka tabeana o kainawamiu akocahea i aroana mia mamudhaakana manga incia akamatea o giu malape ipewaumiu, tee apujimo Amamiu i sorogaa."

Ingkomiumo o kainawana dunia. Kota modhaangiana i bhawona gunu inda amembali atobuniaka.

Amasanaamo manga mia momangkilona incana, roonamo bheakamatea Aulataʼala.

Amasanaamo manga mia momaara tee momatuuna bhorokona to apewau peeluana Aulataʼala, roonamo Aulataʼala bheapekambosu manga incia.

Maka Iaku kupogau tee ingkomiu, maasiakea o bhalimiu tee udoʼaakea manga mia mosikisaakomiu.

"Amasanaamo manga mia misikini i aroana Aulataʼala, roonamo manga incia amembalimo uumatina Kawasana Opu i nuncana Pamarintana Aulataʼala.

Amasanaamo manga mia mobhawana kasanaa i tanga-tangana maanusia, roonamo manga incia bheatosarongi manga anaana Aulataʼala.

Amasanaamo manga mia momaasina incana, roonamo Aulataʼala bheapekaogea incana.

Amasanaamo manga mia monarakaa roonamo bheapewau peeluana Aulataʼala, roonamo manga incia amembalimo uumatina Kawasana Opu i nuncana Pamarintana Aulataʼala.

Amasanaamo manga mia modhawuakana kaasi, roonamo manga incia bheatarima kaasi uka.

Umasanaamo ingkomiu, ande rampaakanamo Iaku utomangkatu, utosikisaa, tee afitanaakomiu mia. Ukaunde-undemo tee umasanaamo, roonamo fahalamiu amaoge i sorogaa. I zamani mangenge uka manga nabii atosikisaa."

Amasanaamo manga mia momaluluna incana, roonamo manga incia bhemotarimana tinaurakana alamu sii.

"Ingkomiumo o garana dunia. Maka ande o gara sumai amembali amatawaa, tee opea o gara sumai amembali atopekapara pendua? Dhaanamo o gara sumai indamo tee gunana, kasiimpo atobhanaka tee alanda-landakia mia.

Rampaakanamo sumai tabeana o pemingkuimiu amondo, apokana mboomo Amamiu i sorogaa amondo."

Jadi soo upogaumo, 'Umbe' atawa 'Inda.' Bholi urangania o pogaumiu, ande dhaangia o labhina sumaimo aminaaka i Ibilisi."

"Ingkomiu padhamo urangoa o firimani ipakawaakana mboo sii, 'Mata bholosiakea mata tee o nginci bholosiakea nginci.' Maka sii-sii kupogau tee ingkomiu, bholi uewangi mia mopewauna kadhaki tee ingkomiu, maka ande dhaangia motapana bhaga kaanamu, taroakea uka atapa bhaga kaaimu

Rampaakanamo sumai ande o mata kaanamu apasaladhalako, pintokia tee ubhanakea! Roonamo salabhina ukailanga sambali matamu tee ukailanga saangua badamu bhemotopapesuana i nuncana narakaa. Mboomo uka o lima kaanamu ande apasaladhalako, tumpoa tee ubhanakea! Roonamo salabhina ukailanga sambali limamu tee ukailanga saangua badamu bhemotopapesuana i nuncana narakaa."