Hakaroma 6 سے مشہور بائبلی آیات

شئیر

Yiruwera yomaharwero ne yifa. Yothitapa thon̂eke thaNyambi ne moyo ghororuheya, mwaKristus Jesusi ghoHekudyetu.

Maharwero mbadi gha kona kumumuna shime karo. Yoyishi mbadi mwa kara kwishi dhomaharwero. Ene kwishi dhothin̂eke.

Padiyoghero, twapwire kuvumbeka pofotji Nendi mukufa. Eshi thika kenge di gha vumbukire Kristusi, mwawafu mughufumu ghongcamu dhaWihe. Kuninga eshi, natwe karo kemo sho tu kone kupara mumoyo ghoghupya.

Mwa tapa thipo thoyirama yenu thikarera thokumaharwero ghenu, thi kare thirughanitho thoghuyi. Kadi kemo, mu karere Nyambi yira hanu wa ha fire no hana wa tumuna. Kehe thipo mu thi tende thi karere Nyambi, yira thirughanitho thoghuhunga.

Atwe twa dimuka shemwa eshi mukuru wetu, pofotji naKristusi ha mu pamarire kuthikurushe. Yi kone kutunda po yikara yomaharwero. Yodigho, atwe ne kadi shime twapika diharwero.

Yodigho, namwe mu dimuke kemo eshi, mwa fire mudiharwero. KwaNyambi ne moyo. Yoyishi mwe, pofotji naKristus Jesusi mu di.

Nye sho tu ghambe twe keho kuyinu yi? Tu kare kengeno mukuharura eshi, dhivure n̂eke ndi? Kadi kemo. Ngepi di sho tu kone twe twafa mudiharwero kupara shime mumwadyo?

Mwa yidimuka shemwa mwathinda: Ngeshi mwa kutapa kwamunu eshi mu kare ghutawedhi yira mwapika. Po muna karera keho mwapika wayofotji yu mwa kara kukwendi ghutawedhi. Ngeshi ha di kara diharwero kukwenu eshi kufa. Endi ghutawedhi ghokwaNyambi ha ghu kara ghuhungami.

Ene twe tuna tumera kwaNyambi eshi mwe mwa karire mwapika homaharwero, mitjima dhenu ne dha karire ghutawedhi kuyihonga, yira thika di mwa yi tamburire payithimwetwedha. Atwe tuna kumutumera Nyambi, yoyi gha mu shutura kumaharwero, ho muna kara mwapika ghoghuhungami.