Hakaroma 10 سے مشہور بائبلی آیات

شئیر

Ngeshi honongonona nokanwa koye eshi Jesusi ne Fumu, ho tawa nomutjima ghoye eshi, Nyambi gha mu tumunine mwawafu, mbo ghuna pu kughamwena.

Atwe twa tawa nomutjima, no twa hungeka non̂ando, no twa nongonona nokanwa, gho twapwa kughamwena.

Matawero meshi gha kara kwamukakuyuva yiyaghura. No yiyaghura yi tuna kuyuva ne ghomayuvithero ghaKristusi.

Yitjanga ne ngeno eshi: “Mbadiko yu ghokutawa muMwendi, oyu mbo gha tokota.” “Noyofotji temba!” Mbadiko karo makutjakero kwamunu gha kare Mujuda endi Muhirika: Waheya Fumu wawo ne yofotji. Ho gha kara mutungi kuyitapa kwawahe wa hana kumwitha. Yoyishi, yomuhe ghokwitha Dina dyaNyambi, mbo ghana pu kughamwena.

Ngepi ne keho sho gha yaghure munu, ngeshi mbadi ha mu tuma? Yapwa kutjanga eshi: “Ngepi di wa tetukitha mughuma ghomapadhi ghamukakureta mbudhi dhodhiwa.”

Ngepi ne keho di sho gha mwithe munu, ngeshi ku mbadi gha tawa muMwendi? No ngepi di sho tawe muMwendi, oku we mbadi wa muyuva? No ngepi sho mu yuve ngeshi mbadiko yu ghana kumuyaghura?

Kristusi ne yoghuhura ghomuragho eshi, kehe yu ghokutawa gha kone kuwana ghuhunga.