Mʉkpanganɨa 3 سے مشہور بائبلی آیات

شئیر

Moi ɛ꞉na ɓɔ ipumo yanɨnɨa iɗo akɔ mesu, nɔ, ya kʉ tɨpɨ anɨdya. Nɔ, yakwanana ɓata kʉ agana mombi nɨmbɨmbɨanaka ngɨangɔ, tɨa ɨja nɔgbɛ. Kʉdɔ, ɔ꞉ɨsɨka, nɔ, ɔ꞉ɨdya. Nɔ, ɔ꞉tɔinjo tɨa kʉ nɔ swaɨ ngɨa ɓa꞉ɓio nayɔ, nɔ ɨyɔ, ɔ꞉tɔɨdya kʉ dyanɨ.

Ati ɔ ɓ anama ɓɔ iju ngʉɓa Asɔɓɨɨ MAKWƆƁƗƗ a꞉ɓʉkɨa jɛnɛ, sɨɨ a꞉ɓio nama ɔ mʉjɛɛ nɔgbɛ, naɓɔ akɔnagaaka ta ɓaɓomu. Ga sɨɨ nɔ moi ɓɔ: «Asɔɓɨɨ a꞉sugo ndɨ ta ingono ɓɔ, nátɨdyenimʉ ipumo pɔ mɛngana yɔ matɨ maɓomu, ngʉka amati ɔ kʉbaa aka?»

Na꞊kumoniso ɓʉyaa ati eno nɔ moi, nɔ ati ɔ ɨfananja ngɨyɛsɔɔ, nɔ ɨyangɔ. Nɔ lɨfananja ɗepini ngɨlɛnɛnɨ, la꞊natana aɓio tɨta ɓamʉyaa. Ɨyɔ, a꞊napoiso sina mʉtʉ ɓɔ pɔ, nɔ ʉwɛ, wɔ꞊tɔmʉkwaka tɨa kʉ aitindi ga kpe.»

Ɔ꞉sigio ɓata moi ɓɔ: «Nɔmanɔ anɨsɨnganiso ɓʉkaɨ ɓɔ ʉnɔtʉ ngʉwɔsɔɔ, nɔpɛɨ. Akɔnɔta mwana, ya꞊ɓio ɓʉkaɓʉkaɨ. Mʉsasa ngʉwɔsɔɔ wa꞊ɓio ta akʉʉ ɔ aɓaʉ. Nɔ ɨyɔ aɓaʉ, a꞊ɓio nɔ ʉpanʉ akʉʉ asɔɔ.»

Pɛɨ ʉwɛ anɨdya idyo, waɓichwɛiso suo ta ʉhʉ, akɔɓɔya ta aka, wa꞊tɔwa-ɔɔ akɔ ɨtaka, kʉ aki na꞉nasɨka-ɛɛ. Dɔ ʉwɛ ingainga, wa iɓungu, nɔ, wa꞊tɔwa kʉ inani akɔ iɓungu.»

Ga ɨyɔ nɔ mombi ɓɔ: «Dɔ ʉwɛ, wɔ꞉kɔ pɛngɛ yaka ngɨyɛ moi asɔɔ, nɔ, wɔ꞉dya ipumo ngɨyɛ na꞉nagbɛmɨa pɔngɔ ɓɔ wa꞊tɨɨdyamʉ ta sɨɨ sɨɨ, ɨtaka yɔmanɔ asɨka mʉgwɛ akʉʉ asɔɔ. Amati ɔ uɓei ngʉwɔsɔɔ uɓomu, wa꞊ɓinɨanɨa suo nɔ idyo akɔ ɨtaka, tɨta ɨngbaa akɔ ɓʉkaɓʉkaɨ.

Ga Asɔɓɨɨ ɓɔ: «Anɨ dɔ-sɨ akɛ ɔ꞉naɓɨɔ pɛngɛ ɓɔ wa munduu? Wɔ꞉kɔdyɔmʉ pɛngɛ dɔ ɓʉnʉ ipumo ngɨyɛ na꞉nagbɛmɨa pɔngɔ ɓɔ watɨdyamʉ?»

Ambise ngɨa Asɔɓɨɨ a꞉kponyo-ɔɔ mombi, ɔ꞉tɔnapɨa tɨa makɛlʉbɨ, amutii wɔ kʉbaa ɔ Ɛdɛnɨ, nɔ ʉgbaa mesu aki ɨpá yachʉchwaka-ɛɛ. Makɛlʉbɨ ngʉɓɔnanɨ, ɓakɔnatananakiso mbɔtɨa ɔ magou kɔ dyaa ɓɔ pɛɨ pɛɨ, akɔɓeyoko ɨngbaa ngɨyɛ yanɨsa aki ɓʉtɨ ɓɔ ɓʉhɛa ɓa-ɛɛ.

Mombi ngɨa a꞉ɓio ino ɓɔ Adamʉ, a꞉tɔmʉsʉa moi angɔ ino tɨa ɓɔ Ɛva, dɔ, ɨyɔ akɛ, a inye ɔ ɓombi ɓaɓomu ngʉɓɔ dɔdɔ.