मत्ती 22 سے مشہور بائبلی آیات

شئیر

“सबैसै ताङ्‌ह्ओपाय् इलेःआः बा। प्रभु परमेस्‍वर्‌कायः ल्‍हुङ्‌हाङः राप्‌ती ल्‍हुङ्‌तुक् ग्‍याती आन पेतो वाय्‍क्‌ती मुसा खेःनाः। इ कुरा अरुसै ताङ्‌ह्‌लेःनाः बा। ओहाङःसै यात्‌ज्‍योः अरु हुकुम् ङ्‌हाकोःलो लेखालेः ताङ्‌ह्‌लेःनाः। नाङ्‌कुस् ब्रेङःकाय्‌ती याक्ओ मान्‍तालम्‌कायः लयःकायःलो धेःती राप्‌ती स्‍यास्उ।

इ नीस् कुरा मान्‍ताइ जाङ्‌ह्‌नौ त खेःया ओउः मान्‍ताइ सबै मोसाइ तोओमा परमेस्‍वर्‌कोः कुरा छ्यानःओमयःइ तोओ कुरामा जाङ्‌ह्‌नौ बा” त दाय्‍ह्‌ती येसु त्‍याङ्आ।

दोह् हायःती दाय्‍ह्‌सा नाःतो मान्‍तालम्‌कायः परमेस्‍वर्‌इ गोत्उतो बल बल ह ओउःइ लयःकुस् मुसाकायः छ्युङ्‌ह्‌नौ” त दाय्‍ह्‌ती येसु दाय्‍ह्आ

सीआक्‌तीको उह्‌ती च्‍योक्ओलम्‌पाय् मोमःचोः वानःनीली गोय्‌चोःकुस् पाय्‍ह्इली ओउःमयः परमेस्‍वर्‌कोः ल्‍होक्ओमयःलो लेखा मुनै।

लौ यात्‌ज्‍याङ् कर्‌ पाय्‍क्‌सा खेःओ पैसा छ्यानःवानःनाङ्‌स दा” त दाय्‍ह्‌ती येसुइ तोआकान्। ओउःत तोती झ्‍यान्‍ते यात्‌ज्‍योः पैसा वानःआकानी। वानःआक्‌तोकोः “लौ इ पैसाहाङः सुकोः रुप्‌मा मय्‍ङ्‌मा मुनाः” त दाय्‍ह्‌ती येसुइ व्‍हत्आथास। “इपाय् सीजर्‌ राजाकोः लेःआः” त दाय्‍ह्‌ती त्‍याङ्इतो “ओउःत झ्‍यान्‍ते ओउः पैसा सीजर्‌ राजाकोः लेःआः माःर। दोह् खेःयामा सीजर्‌कोः लेःआः मुनाः ओउःखेलेः सीजर्‌कायः पाय्‍क्‌पाः। दोह् खेःयामा परमेस्‍वर्‌कोः खेःनाः ओउःखेलेः परमेस्‍वर्‌कायः पाय्‍क्‌पाः” त दाय्‍ह्‌ती येसु त्‍याङ्आ।