Romanos 3 سے مشہور بائبلی آیات

شئیر

Nenlhamakho nhan nellanekamok ngkollatsekama, taiepe kanke lhta nhan ennengko'o Eniapom Neten apto aknema apmopvana apanke'. Avanhek aktaqmanma hengellanei'o Eniapom Neten, apkapaskamo lhta Jesucristo kakpota hengel·hatsoskasangkok malha hennaktetema mongeliamolhma, hengeltemeskasekho lhta nhan nengelpeivomo napaqte Eniapom Neten ma'a, metka akianmoma.

Hai, Eniapom Neten hengeltemeskaskek nengelpeivomo nenlhamakho lhmankek ham aniem'o mongeliaskeiam Jesucristo ngkanek nennavek emmo'ok napaqtek ma'a.

Apeivomo panke Eniapom Neten, apvanke lhta niekhe hennaqtevasekha aniem'o nellanekamok ngkollatsekama, koka mepekheskamak hengellanei'o m'a, nietnengke lhta nhan apeneskamo lhema qaselha. Aplheianmo lhnak nanek apvalhok eniapaksek Cristo Jesús nenvanlha nak kakpota enietsepok nkoiangkenalhkak na ema apankok henianmoma ennengko'o. Kakpota etnama apankek ngkollatsekama apkellanekamok apkellelto la meliaskeiam. Apketsepke lhta Cristo Jesús kakpota esavhok apieplavkeskama henganemakha aklheianma, apkelvetaskaske lhta nhan apto apeivomo Eniapom Neten ma'a, apkelvetaskaske lhta nhan Eniapom Neten apto apkeltemeskeskama apkelpeivomo apkellelto la meliaskeiam Jesús.

Mankollapvankek enenlhet etlhenakpo apankavek apkelpeivomo napaqtek Eniapom Neten aniem'o apieplavkeskama ley, ngkanek ley anak hengelvetaskaskek mongeliehekho hengellaskamakha Eniapom Neten.

Ka ktemo nak na aktalhesammalhka Vakkahak Eniapom Neten apaivoma: «Mamma enenlhet apto apeivomo, mamma apankek lhema la'a, mamma nhan enenlhet apto la nema apiamo. Mamma nhan apteniai'a la Eniapom Neten, lhamakho enenlhet apkelietnokhamongvakmek malha amai aktaqmelo, apkelieplakhek amai ngkolatsenkolha. Apkeltemongvakmek meliamolhma, mellanenkok na altaqmanma qaselhaha, mamma apankek lhema aphapak la'a»

Eniapom Neten hengeltemeskeskama nengelpeivomo aniem'o mongeliaskeiam, have aniem'o m'a nengeliehekho nak ley.

ngkanek have apmopvana ania'a, have aptonak enenlhet, Eniapom neten koka aplheianma mota iokhalhmek anke', ka aktemo nak na aktalhesammalhka Vakkahak Eniapom Neten apaivoma: «Aplhamakho enenlhet hata eliohok aptema la iokhalhmek aplheianma lheiap, no la akiantemakho napaqtek hengiekpelkemo, eiephongvomhok hata lheiap ma'a» lhna ntemak ma'a.