Ɔrɔmutɔnŋ kiri 4 سے مشہور بائبلی آیات

شئیر

Ntiŋ sii Kirinŋ wɔ tɔnwɔri ki ra a tɛ fyewu kì, nka ntiŋ wɔ bilinabi ki baraka kila-i, ntiŋ i Kirinŋ gbɛ. Aburahamu bili wuru ǹʼna kusɛbɛ, tu Kirinŋ a tɔnŋ wɔri bi wɔ̀ ra afinŋ tɛ, tu so Kirinŋ gbɛ, ŋì i ǹʼma.

miŋ tu ǹʼsɛbɛ-i Kirinŋ wɔ wulu sɛbɛ kiri ru ɲaan wɔ̀ tɛ tu : « Míŋ i miŋ ji-i shiya mwɔɔnna mwɔɔnna tiŋ cɛɛnni i. » Ntiŋ i yibɛɛ tiŋ i Kirinŋ ɲaanfɛ, ntiŋ bili-i ninwɔ̀ ra. Niŋ Kirinŋ ki i konkwuu kiri ŋmɛni-na, niŋ fa bi wɔ̀ri wuru nmaŋ sun kì, ŋì i ncusun-ni nini i ja-ri.

Kirinŋ mìntiŋ ki wɔri-i, ntiŋ i beeni yibɔɔ bijɛ kiri ŋunfɛ, ntiŋ i ŋmɛni po san konkwuu kiri ru, nwɔma yibɛɛ i ji koŋ telimaan ni i Kirinŋ ɲaanfɛ.

Konanmini ɲakili wuru bi wɔ̀ sun kili kì, Aburahamu bili-i Kirinŋ na niŋ bira. Niŋ ɲaan ki tɛ, ntiŋ i ji shiya mwɔɔnna tiŋ i, miŋ tu Kirinŋ wɔ wulu sɛbɛ kiri i ǹʼbi-a ɲaan wɔ̀ tɛ tu : « Miŋ nupo ki a na mwɔ ka ɲaan ka tɛ. »

Niŋ ki ra, kani wɔ̀ tɔnŋ wɔri-i Aburahamu fa a nupo kiri tɛ, niŋ i kila-a bilinabi ki baraka ra, nwɔma ŋì i ji Kirinŋ wɔ shɔɔrinŋ i, nwɔ̀ i Aburahamu fa a nupo kiri bataa wɔ. Ŋì fa ji sariya ki saa tiritɔnŋ kiri bantenŋ wɔ kì, nka finŋ woo finŋ bilinabi ki ma-i miŋ tu Aburahamu, ŋì i ji nini bataa wɔ sɛbɛ. Aburahamu i yibɛɛ bataa tiŋ cɛɛnni ki i

Ntiŋ tu : « Nwɔ̀ri wɔ telibalibi bi kiri tu-i kí tɛ, kɔ́ɔ́ bijɛ kiri i ciriki san nmaŋ, nini i koŋ fɛrɛmaan ni i. Ŋuntiŋ ki nwɔ̀tiŋ pa-a, ŋì i kɛɲɛ ntiŋ wɔ bijɛ ki wu kì, nintiŋ i koŋ fɛrɛmaan a. »

Kirinŋ wɔ wulu ki tu dɔɔkunŋ? Ǹʼtu : « Aburahamu bili-i Kirinŋ wɔ wulu ki ra a tɛ, Kirinŋ i niŋ bilinabi ki ji ntiŋ gbɛ telibi i. »