Ɔrɔmutɔnŋ kiri 14 سے مشہور بائبلی آیات

شئیر

Kirinŋ wɔ Masabi ki bi ki nufinŋ bi fa mwunufinŋ bi i kì, nka telibi fa tɔnsunfili fa ciirudibi bi yɛ, Ɲiniwɔlinŋ ki i nini wɔ̀ri wɔri-ra. Konwɔtiŋ i baara ki ma-a Kirisa tɛ niŋ ɲakilila ki wu, nintiŋ bidi-i Kirinŋ tɛ, konaŋ kiri i ji-a ntiŋ tɔ shɔɔrinŋ bi sɛbɛ.

A yibɛɛ ji yɔɔ ɲaninkulutɔnbi ki ma-a, yibɛɛ ǹʼma-a Ŋuntiŋ ki tɛ, a yi ji beeni-a, yi i beeni-ni Ŋuntiŋ ki tɛ. Niŋ ki ra, yibɛɛ ɲaninkulutɔnŋ i woo, yi beeni woo, yibɛɛ i Ŋuntiŋ ki wɔ ri.

Niŋ ki ra, yi ɲaanfɛfili ceeli yimaŋ faninmwuŋ, niŋ fa yi i ǹʼceeli, yi i ta jɛŋ bilinabi ki ru.

Niŋ ki ra, yi kiti ki fɛɛn ki tɔnbo yimaŋ sun. Nka, á fa bi tɔri ma, nwɔ̀ a ji ábɛɛ tindaŋ ki bɛɛ kanŋ nakwuru kwɔ ɔ, walima ntiŋ i fɛɛn kwɔ ɔ kì.

Sabu ǹʼsɛbɛ-i tu : « Sɛli ki ra, míŋ ɲaninkulutɔnŋ yɛ, Ŋuntiŋ ki tu ninkunŋ. Kankwuu kiri bataa ra arì kwushiri míŋ fɛ, nɛninɛŋ kiri bataa i ǹʼbi tu míŋ Kirinŋ i. » Niŋ ɲaan ki tɛ, koŋ bataa tenŋ tenŋ i awɔ bi kiri ɲaanbi Kirinŋ ɲaanfɛ.

Ńʼtindaŋ ni, ábɛɛ ru nwɔ̀ri faan kuru-i bilinabi ki ru, á ji nini tɛ, á fa kí ɲakilila kiri sɔsɔka jitan-ni kì.

Miŋ nkɛnŋ, fɔ ŋi i kiti ki fɛɛn-ni koŋ tɔri tɛ baara matɔnŋ sun? Ntiŋ tu woo, ntiŋ fɛɛn woo, niŋ i mɔɔn saa sun kì, niŋ i ntiŋ ŋuntiŋ ki wɔ bi i. Ntiŋ a tu tu, sabu so i Ŋuntiŋ ki gbɛ, ŋì i niŋ faan ki wɔri ntiŋ tɛ.