Ɔrɔmutɔnŋ kiri 1 سے مشہور بائبلی آیات

شئیر

Míŋ ɲaankwun-a Wulujii ki wu kì, sabu Kirinŋ wɔ sotinbi ki yɛ. Nwɔ̀ri bili-i ǹʼna, ŋì i nini mwu-a niŋ sotinbi ki baraka ra, ŋì i tɔnpa Yawutu kiri sun, nini kɔɔtɛ, ŋì i so shiya pyɛ kiri sun.

Wulujii ki i nwɔ̀ ji-a, niŋ i kaa tu : Kirinŋ konanmini kiri shɛɛli-la ǹʼtelimaan ni i, a kí bili ǹʼna. Niŋ telibi ki i kila-a bilinabi ki sababu ra, miŋ tu ǹʼsɛbɛ-i Kirinŋ wɔ wulu sɛbɛ kiri ru ɲaan wɔ̀ tɛ tu : « Koŋ telimaan ki a awɔ ɲaninkulutɔnbi ki ma bilinabi ki baraka ra. »

Sɛli ki ra, kabi juniɲa cɛtu ki sun, konanmini kiri i so-a Kirinŋ wɔ bi jabali kiri ja-i fɛrifɛri, nini wɔ̀ri i ǹʼwɔ sotinbi kɔbali ki fa ǹʼwɔ kirinbi ki i. Nini ɲaan i tɔ-a ǹʼwɔ baara mamaan ki mwɔɔn tɛ. Niŋ ki ra, sɛli kilamaŋ kí gbɛ kì.

Sabu kí Kirinŋ tɔ-i, nka niŋ fa a fɔn na, kí arì tu kí i ǹʼgbɛ miŋ tu Kirinŋ i kì, kí fani baraka bi ǹʼtɛ kì. Kí ciiru ɲakili kwuu kiri kí fɔni-i, mancinŋ ki i a la kí ciiru ɲakili kiri sun.

Sɛli ki ra, nwɔ̀ i Kirinŋ wɔ sɛli ki i, kí niŋ nucini-i puru ra, kí i Kirinŋ wɔ finŋ pomaan kiri gbɛ-ri, nka kí dumiŋ niŋ finŋ kiri potɔnŋ Kirinŋ ki gbɛ-a kì. Niŋ Kirinŋ ki kakan-i ŋì i gbɛ waarinŋ bataa ru. Amiina!

Sɛli ki ra, koŋ wɔ̀ri Kirinŋ gbɛ-a kì, kí i arɔɔ telibalibi kiri sɔɔ-ri, kí i ǹʼwɔ sɛli ki radu-ri, Kirinŋ awɔ tɔnkwulu ki ji-i nini bataa wu, ŋì i po kirinpɔli ki ra.

Niŋ ki ra, Kirinŋ i kí tu arì sɔli jɛ ki ru, ninwɔ̀ i ɲaankwunŋ na bi i. Kɔ́ɔ́ mari kiri i arì kaan-ni arì bili arɔɔ shuru kiri wu, kí i bi mabali li ma-ni arìmaŋ faninmwuŋ. Mìŋ ɲaan tenŋ ki tɛ, shuru kiri mari ri bili-la kili kì. Kí kaashi shuru ri tɔ i kwulu-la kí ra, kí i ɲaankwunŋ na bi ri ma-ni arìmaŋ faninmwuŋ. Niŋ ɲaan ki tɛ, kíbɛɛ arì sali ki kila-i, ŋì i kɛɲɛ arɔɔ fɔni ki wu. Kí ǹʼceeli arì i Kirinŋ tɔ kì, niŋ ki ra, Kirinŋ i kí tu arɔɔ ɲakilila jɛ kiri wu, fɔ kí i mabali bi kiri ma-ni.

Kí i arì yɛri ji-a ɲakilitiŋ ni i, nka ɲakili bali li yɛ. Kí waarinŋ bataa ru Kirinŋ ɲaninkulutɔnŋ nɔɔritiŋ ki gbɛrama ki tɔnbo-i. Kí i konanmini gbansanŋ wɔ̀ a beeni, niŋ fa ɲaannaanŋ ni fa kanpyiirantinfinŋ ni fa cɛɛnkunsunfinŋ ni miniŋ ni gbɛ-ri.