« Á á yɛri kɔrɔshi sariya kalimɔɔ kiri ra. Juulinŋ sinaŋ bo ki di-i kí tɛ. Ǹʼdi-i kí tɛ, konaŋ ki i kí tɔtinbi coolinŋ tan-ni furuba maŋ kiri ru. A kí de Yawutu kiri wɔ kalinfu kiri ru, kí i tɔtiŋ sɔɔmaŋ kiri ceeli-la jɛŋ ki ru. A kí ta nuŋ numaŋ nu, tɔtiŋ sɔɔmaŋ kiri bi i di kí tɛ niŋ mani nu sɛbɛ. Kíbɛɛ kiri i kanimari kiri gbɛfɛfinŋ kiri bataa mwu san-a kí wu. Niŋ fa, a kí bo Kirinŋ nafɛ ki ra, kí i cin-a niŋ na, nwɔma konaŋ kiri i arì ja. Kíbɔɔ kiti a na juu kusɛbɛ. »