GÁLATAS 3 سے مشہور بائبلی آیات

شئیر

Key ocslal, tuꞌnj min e kbincha jtzin tkbaꞌn ley, juꞌ tzunj at tcublel kcastiwa kibaj. Pero tuꞌn ktzakpet tiꞌj kcastiwa, e xiꞌ tchjoꞌn Cristo chojbil kil. E xiꞌ tiken texin kcastiwa tej tcyaj sbuꞌnxin twitz cruz. Sbuꞌn taꞌxin, cuma tzin tkbaꞌn tyol Dios cyjulu: “Jawnexsen tchꞌixew jun xjal njaw cꞌlet tkꞌab jun tzeeꞌ oj n-oc tuj castiwa,” tz̈i tyol Dios.

Tuj twitz Dios, min-al jun wik xjal cyxola mas jawnex twitz juntl wik. Judío lokey, yaaꞌnle judíokey, ajnintz lokey, nmak lokey, xinak lokey, xuuj lokey, junx taꞌ cykilcakey twitz Dios, cuma junx eteꞌy tuya Cristo Jesús.

Bix tuꞌnj junx eteꞌy tuya Cristo, bix t-xeꞌchel Abraham ja Cristo, juꞌ tzunj tcwal Abrahamkey, bix at cyoclena tuꞌn cyiikꞌa jcykaba e cyaj tkbaꞌn Dios te Abraham.

El ttzakpiꞌn Cristo ejooꞌ tuj tcwent ley tuꞌn tpon baj twiꞌ jtyol Dios e cyaj tkꞌoꞌn te Abraham, jaj tuꞌn ttzaj tkꞌoꞌn Dios t-xtalbil te cykil wik xjal tuꞌnj tiyꞌjil Abraham. El ttzakpiꞌn Cristo ejooꞌ tuꞌn kiikꞌente Espíritu Santo tuꞌnj kocslabl tiꞌ Cristo, J-espíritu Santo e cyaj tkꞌoꞌn Dios tyol ke tuꞌn kiikꞌente.

Tzinen taꞌ min-al jun xjal cꞌoquel jiquen twitz Dios tuꞌnj nniman ley, cuma tzin tkbaꞌn tyol Dios cyjulu: “Jiquen taꞌ jun xjal twitz Dios nuk oꞌcx tuꞌnj n-oc ke tcꞌuꞌj tiꞌ Dios,” tz̈i tyol Dios.