1 CORINTIOS 6 سے مشہور بائبلی آیات

شئیر

¿Mimpa tzꞌel cyniꞌya tiꞌj ke kxumlal tnajbil Espíritu Santo? O tzaj tkꞌoꞌnte Dios Tspirit te najal kuya. Juꞌ tzunj ejooꞌ tisen jun jaaꞌ, pero yaaꞌn te ke, sino te Dios tja. Lokꞌajtzen o ko tema tuya nim twiꞌ, cuma tuꞌn tcyimlen Tcwal Dios e tlokꞌ ejooꞌ. Juꞌ tzunj il tiꞌj cꞌoquel cycꞌuꞌja tiꞌ cyxumlala tuꞌn tajben te tja Dios. Miꞌn tzꞌoc cytzꞌilsaꞌna cyuya juntl xuuj.

¿Mimpatzen tzꞌel cyniꞌya tiꞌj kej nchi binchan kaꞌ miꞌn chi oc tuj tcawbil Dios? Miꞌn chi tzpeta tiꞌj lu. Jax tej yol lu. Kej xjal at cypaj, bix kej niyꞌ cyiiꞌ t-xuꞌl cyuya, bix kej nchi niman twitz cysant, bix kej xinak ncub cykꞌon cyiib te xuuj tuꞌn toc ipan juntl xinak cyiꞌj, bix kej xuuj nchi jaw meltzꞌaj cyuya juntl xuuj, bix kej nchi alkꞌan, bix kej n-oc chiꞌl cycꞌuꞌj tiꞌ tikꞌch te juntl, bix kej bola, bix kej nchi yasen cyiꞌ cabtl, bix kej ncub cytzyuꞌn xjal tuꞌn tel cypwak, cykilca tzunkej lu mintiiꞌ cyoquelex tuj tcawbil Dios.

Juꞌ tzunj, cykꞌoncja cyachbila cyuya xuuj. Jatzen cyey tzin cykbaꞌna min txiꞌ tnaabl jun xjal tuj il oj nbint il tuꞌn. Pero we nxiꞌ nkbaꞌna cyey yaaꞌn juꞌwa. Ka at jun n-oc ipan cyiꞌ chꞌimacꞌa xuuj, biꞌx nxiꞌ tnaabl tuj il.

Ya juntl yol. At juun cyey nkꞌumente cykilca baꞌn tuꞌn tbint. Pero we cxeꞌl nkꞌumen cyey, amale cykilcat baꞌn, pero yaaꞌn cykil najben. Ka at jun kajbil kaꞌ mlay weꞌ, jatzen kaawja.

Tisen o jatz tiiꞌn Dios Kaaw tuj mukbil, jaxse juꞌx cjawetz tiiꞌn Dios ejooꞌ tuj kcyamecy tuꞌn tipemalxin.