1 Pida 2 سے مشہور بائبلی آیات

شئیر

Go peapare Godeme nimi ambala mea. Nimiri Gode ande kini alina repaa aeme. Gupuma go kini alina alinau pao-aya repaa. Gupuma nimiri nipuna yaakopi wenaali aeme. Nipuna epe aununa angele daminyayanda rimbale para aya ei minyapalaoma paana epeme.

Yesu ekeraisa wape pi repenana naana koae einu mealuame komisaya. Go au pisaya eiri naame koae einu giaoma epe rupa ao-paliamonoyanda pisaya. Nipuna kome eimiri nimina Keriso aunu puri paloaya. Nimiri alu pae sipisipi mena manda. Go peapare ambiare Yesu raidaminyayanda wala apo karu ipuma sipisipi mena andere-aya alinumi andere-ao-aeme rupa nimi andere-aya.

Ambalandere Godena yarame komala aunu kone na-siamepare ambiare nipuna yarame komea ei andaleme.

Naame kone wima. Pena nongo nakinuri andu nalame waru komeme. Go rupa mandare naana Keriso aunu andalenayare nipuna angele waru pangalepape. Go Godena angelenu pange aunu andu pange manda nalame komelemendare nimi ora rambamilia.

Nina amenuo, nimiri go sunare pa kimisu alinu epa aeme. Go einare neme go angele lalo. Go peale ambalana aunu ora gialepape. Go aunumi nimina remonu rapu yanda puaya. Angele na-mi repaa rapu arare ora epe aunu komea pipape. Nimi repara koae aunu pimi demendare nimina epe aunu andalo ara nimumi Godena bi nipu epelea dina minyasialimi.

Nimi pange go anda pingi endoma aya ei manda. Godeme nimiri ande Epe Yaakopi Sipiridina anda manda ma-au lada. Go au puma nimiri ande Gode repara alinau pia repaa manda aoma nipu repara alinau paluame epepe alenu ademe. Yesu Keriso nipuna rupara go au pilimi.

Go einare nimimi ande payapo angele loarimi ei pange one mone yayapi aunu raayo gialepape. Gupuma yanda li aunu pange ero lala pi angelenu gialepape.

Nimi ipuma Reali repara ipulupa. Nipuri pa endoma aya anda pingi manda. Go anda pingiri wenaalimi rambua rambua pamepare Gode nipunare ora angaa aya ale ma-aularipa.

Nimi ale mendame na-andi yolena dapape. Go lalo ara koae aunu pa na-pu rambualepape. Go peapare nimi Godena pupudengi nao-aeme repaa ao-alepape.

Godemere go au paliminya kone wia. Nimimi ora epe aunu pipape. Go au pilimindare kone na-wi keyalinumi nimi repara angele menda na-deme.