ပရ 5 سے مشہور بائبلی آیات

شئیر

အာပေတာရူ ဘော ဂေ ဒူအီ ပီ ရဝ်း ပီ တိုယ် ဇဝ် ယေဆူ၊ ဂေ ဝီ ဝျီ့ ဂြုဝ်း တီ။ ဂေ တဝ်း၊ “ယေ လုဝ် ထူမ် ဂြုဝ်း ဇဝ်ဖြာ အာတ့် ထူမ် ဂြုဝ်း ဒူအီ။

ဝါယ် အန် တီ ဒွန် ဆီငဲ၊ ဒွန် ဆီငဲ၊ ဂေ ဝီ ဟာဝ် လိုပ် ခဲင် ဝဲင် ဟုဝ် ဇဝ်ဖြာ၊ ဂေ ဘော ဟာဝ် လိုပ် ခဲင် ကာင် အီ၊ ဝီ ကာလာင် လွင် ဇဝ် ယေဆူ။ ဂေ ကာလာင် ဆေဆေ တဲး ဒွန် အီ ကော နပ် လွင် ဇဝ် ယေဆူ မုး ဒူအီ ပီ ရဝ်း ပီ တိုယ် ဇဝ်ဖြာ တဲး အန် ချွတ် ဒူအီ။

အာပေတာရူ ဝီ တဝ်း၊ “အိုယ်၊ အာနာနီ၊ မှဝ် န့ ပါယ် ပီ ခ့ဝါင် မဲ ဘုဝ် ကာနမ် အီ စိူဝ် ဆာတာန် ပွိုန် ဒီ လိုပ် ခဲင် နဝ်း မဲ၊ တဲး မဲ ကာလုဝ် ဒီ နဝ်း ဖွိုမ် ဇဝ်ဖြာ။း မဲ ဟဲ့ ဟွတ့် ဒိုဝ်း အုန် ရွိုန် ပီ ပွိုန် မဲ၊ ယီ တဝ်း၊ မဲ ဟဲ့ ဒွါ တူတ့်။ အာတ့် ယွင့် မဲ မာန် တီ၊ န့ မုး ကြုဝ် မဲ။ မဲ ဟဲ့ ဟွတ့် ယွင့်၊ ရွိုန် ပီ ပွိုန် မဲ၊ န့ ဘော မုး ရွိုန် မဲ။ မဲ ဆ ဒွါ တူတ့် ဟဲ့ ပွိုန်။ မှဝ် န့ ပါယ် ပီ ကာလုဝ် မဲ ပါယ် တီ။း မဲ တူ ကာလုဝ် ဒူအီ။ မဲ ဟဲ့ ကာလုဝ် ဇဝ်ဖြာ။” ဒေါ ယိုဝ် အာနာနီ ဂြုဝ်း တီ၊ အန် ဝီ ကေး ယမ် အူ ဇေန့်။ ပန် တီ ဂေ ဒူအီ အီ ယိုဝ် လွင် အန် တီ၊ ဂေ ဒွန် အီ ဝီ ယုဝ် ကာဆဝ်။

ခုဝ် အန် တီ ဒေါ တီ နီ၊ အုဝ် တဝ်း ဒီ ဘေ၊ ကွဲ့ ဘူင် မာဆေ ဒီ ဒူအီ ဂေ တီ။ တဲး ဘေ ဘ့လေး ဂေ၊ တဲး ဂေ ဟာဝ်၊ ဘူင် ပီ အိုင် ဂေ။ ပီ ဘူင် ဂေ၊ ဆေ န့ မုး အာငျာန် ဒူအီ၊ န့ ဒီ စှိုမ်။ ဆေ န့ ယီ မုး ပွုန် ဇဝ်ဖြာ၊ တဲး ဂေ ဘူင် ပါယ် တီ၊ ဘေ တူ ပဲ ဒီ ဘူင် မာဆေ၊ တဲး ဂေ စှိုမ်။ ဘေ ယီ လုဝ် ဆာဒိက်၊ ကွဲ့ တဲး ဘေ ကာဂုဝ်း ဒီ ဇဝ်ဖြာ။”