Mǒhtûlû̌hǎhtûsa 17 سے مشہور بائبلی آیات

شئیر

Bǎ Abra něǒ lǐ̤sǒ tishi ta lǐ̤sǒtaně akhanu, Cǒmara tûjûpwa̤ ǒlṳhtò̌ bǎ yǎ dě a hî̌ nû̌û, “He mî̌ Cǒmara htě apo̤aphǎ tapwa̤. Gana̤de heyo̤ dě ǒhtûpwa̤ ma̤toma̤bǎ hesò̌phlǒ pṳ̂̌꤮ taplǎ nî̌꤮.

Kò kaǎpe nami̤ ta Abra tò̤, kò kaǎkhǒ nami̤ ta Abraham pě, (Amûasǎ mî̌ khlilèphû̌ ǒplṳ̂ǒphǎ apha) Ma̤tè̤hî̌dě he nohtûhtò̌ na ta khlilèphû̌ apha hǒ.

He sò̌yṳ ma̤měma̤gle heta̤wṳ̂dò yo̤sǎ htǒo tûjûpwa̤ ta na ta nakhlinalè hǎte̤gilò̤ děnǒkò toǒ tuhtu hto tuhtu. He htû na Cǒmaradû̌ pě htohǒtò̤ he htû nakhlilè hǎte̤gilò̤ nǒkò toǒ acǒmara pěpě.

“He ma̤ ta̤wṳ̂dòyo̤ ta na pwǐhè̌o, he olò̤mèlò̤tû̌ ta na htûplṳ̂ kòyò khlilèphû̌ apha pě.

Dě Cǒmara hî̌ yǎ, “Tò̤, a bǎ mè̤ ta Ǐshameělè tò̤. Nama Sharǎhtǒo phû̌ǒnṳ bǎ na phû̌makhû tapwa̤ pě, dě na bǎ kaǎ ami̤ ta Isǎko pě. He ma̤měma̤gle heta̤wṳ̂dò ta a pě, dě ta̤wṳ̂dò htǒonu a mî̌ ta̤wṳ̂dò tûjûpwa̤ talakhǎ aya ta aphû̌li̤hǎte̤ nǒkò tuhtu hto tuhtu pě. (Isǎko amûasǎ mî̌ a ya̤, ma̤tè̤hî̌dě bǎ a gana̤de ta glè nî̤bǎ phû̌makhû akhanu, a ya̤.)

Khana̤ga tagabò htě na ǒǐtû̌ a sǒsǒta shigahǔwa̤khlophû̌ tapwa̤ khònò̤htǒonu, he ǐ yǎta na ta nakhlinalè hǎte̤gilò̤ nǒkò toǒ tûjûpwa̤ pě dě he htû asî Cǒmaradû̌ pě.”

Abraham gene̤û̌lò̤ ya̤ dě a hî̌lò̤ tû̌ asò̌phlǒkû, “Kòyò htě aněǒ ta̤ya̤ tapwa̤pwa̤ numî̌ a phû̌ǒjòpe ya? Sharǎ lè̌dě aněǒ lǐ̤sǒtishi dě mî̌ a phû̌ǒjòpe ya?”

Cǒmaradû̌ hî̌po̤ Abraham, “Nama Sharǎ lè̌dě, na bǎ kaǎpe a ta Sharè̌ tò̤, bǎ kaǎkhǒ ami̤ ta Sharǎ pě.

Sî bǎ dǔtṳphěkhi, dě ta̤dǔtṳphěkhi htǒonumî̌ a dǔlṳ sî ta he ta̤wṳ̂dò ta̤ma̤dòǐ tacǎ hǒ.

Pwǎ̤ta heta̤wṳ̂dò htǒonu, he ma̤měma̤gle Isǎko htě Sharǎ glè phû̌ǒ nû̌û htû̌꤮ něbǎ pwǐ khònò̤kha htǒonu pě.”

Bò꤮ makhû htě sîkhlisîlè akla a hǎte̤gilò̤ tuhtu hto tuhtu toǒnu, a dè beni̤lǐ̤sǒ hî̌dě a bǎ dǔtṳphěkhi. Dě kòyò htě a ǒlò̤ bǎ sîhǐdǒkûnu toǒ bǎbǎ, sîkhlilè mè̤tò̤nu toǒ bǎbǎ, shigahǔwa̤khlophû̌ pwǎ pwǎ̤tadě sî pwî̤ge asî ta wû pwǐ jûnu toǒ bǎbǎ, asî bǎ dǔtṳbòphě pṳ̂̌꤮ tapwa̤. Jûmakhû htě a ǒlò̤ dě sîhǐdǒkû toǒnu bǎbǎ, sî pwî̤ge asî ta wûnu toǒ bǎbǎ, kò bǎ dǔtṳbò bǎ asîphě. Sî dè ma̤ hǐnudě heta̤wṳ̂dò htǒo a ma̤dòǐ sîphěsîyî̌lo̤ hǒ, dě a dǔlṳhtò̌ ta ta̤wṳ̂dòhtǒo a ǒměǒgle tûjûpwa̤ hǒ.