1
Kološanenđe 2:6-7
I Biblija ki Arli romani čhib
RAB
Adalese, sar so priminđen e Hriste Isuse sar Gospode, ađahar hem živinen ano leste. Oven ano leste zorale ukorenime hem upro leste izgradime, zorjarde ani vera, sar so injen sikavde, hem but zahvalinen e Devlese.
موازنہ
تلاش Kološanenđe 2:6-7
2
Kološanenđe 2:8
Pazinen niko te na zarobini tumen čuče hem hovavne filozofijaja savi samo manušikani tradicija. Esavke sikaviba na avena e Hristestar, nego avena taro zoralipa akale svetosere.
تلاش Kološanenđe 2:8
3
Kološanenđe 2:13-14
Hem tumen nekad injenle mule zbog tumare prestupija hem zbog adava so pana na inele cidime tumari grešno priroda, ali o Devel vazdinđa tumen taro mule e Hristeja. Oprostinđa amenđe sa o prestupija, ađahar so poništinđa i optužnica savakere odredbe inele protiv amende hem cidinđa la ađahar so kovinđa la ko krsto.
تلاش Kološanenđe 2:13-14
4
Kološanenđe 2:9-10
Adalese so, ano e Hristesoro telo živini sa o pherdipe e Devlesoro. Hem tumen isi pherdipe ano leste, kovai šero upreder svako poglavarstvo hem vlast.
تلاش Kološanenđe 2:9-10
5
Kološanenđe 2:16-17
Adalese, niko te na osudini tumen zbog okova so hana ili so pijena, ili zbog nesavo prazniko, terno masek ili savato. Sai adava samo senka okolestar so valjanđa te avel, a okova soi čače adavai o Hrist.
تلاش Kološanenđe 2:16-17