Luka 23 سے مشہور بائبلی آیات

شئیر

Oi na lea vē ake ai ia Iehu, “Te Tamana, fakamāgalo kō kilātou, auā e hē kilātou iloa te lātou mea e fai.” Oi na fai ai te lātou vili ke vāevae ai nā kofu o Iehu mo kilātou.

Na tali atu ia Iehu ki ei, “E takutino atu e au kia te koe, i te aho nei, ko koe ka i Palataiho fakatahi ma au.”

Ma na lea vē atu ai kia Iehu, “Iehu, manatua mai kō au, kāfai koe e hau i tau pule tau Tupu!”

Oi na kalaga leo lahi ai ia Iehu, “Te Tamana, ki nā lima o koe, e tuku atu e au ki ei toku agaga!” Na uma lava te lea vēnā atu, oi na tō ai loa tana mānava.

Na tau atu kilātou ki he koga nae takua ko “Te Ulupoko,” oi na fakahātaulo ai e kilātou ia Iehu i kinā, fakatahi ma nā pāgotā e toka lua, ko tētahi i tona itū taumatau, ma tētahi i tona itū tauagavale.

I te taimi tēnā kua ta te hefulu lua i te aoauli, ma na pōulitia uma ai te fenua kātoa ke pa ki te tolu i te afiafi, ona ko te lā kua hē huhulu. Ma na haelua ai te kiepupuni i loto o te Mālumalu.

Kua kitea atu e te takitakikau o te toka helau te mea kua tupu, oi na viviki ake ai ki te Atua, ma lea vē, “E hako lava, ko te tagata tēnei e hēai hana holitūlāfono!”