मत्ती 18 سے مشہور بائبلی آیات

شئیر

काकरेकी जहाँ दुई या तीन जाने मोरिक चेलनके जमा हुइहीँ। वहाँ मै ओइन्के बिच्चेम रहम।”

“फेनदोस्रे मै तुहुरिन्हे कहतुँ, पृथ्वीमे तुहुरिन्मेसे दुई जाने कौनो बातमे सहमत होके मंग्बो कलेसे, उ स्वर्गक मोरिक बाबक ओहोँरसे तुहुरिन्के लग होजाई।

येशू एकथो छुटिमुती लौँदाहे लग्गे बलाके ओइन्के बिच्चेम ठरह्वैलाँ। और कलाँ, “जात्तिके, मै तुहुरिन्हे कहतुँ, मन बदलके तुहुरे छुटी लरका हस नै हुइबो कलेसे कबु स्वर्गक राजमे नै पैँठ्बो।

जे यी छुटी लौँदा हस अपनहे नम्र बनाई, वहे स्वर्गक राजमे सक्कुहुनसे भारी हुई।

जे मोरिक नाउँमे एकथो असिन लौँदाहे स्वीकार करी, उ महिन्हे स्वीकार करत।”

येशू कलाँ, “जात्तिके, मै तुहुरिन्हे कहतुँ, तुहुरे पृथ्वीमे ज्या बहन्बो, उ स्वर्गमे बहन्जाई। और तुहुरे पृथ्वीमे ज्या खोल्बो, उ स्वर्गमे खोलजाजाई।”

ओकरपाछे येशू अपन चेलनहे कलाँ, “तुहुरे अपन विश्वासी दादू या भैयाहे अपन भित्री मनसे माफ नै करबो कलेसे, स्वर्गमे रहुइया मोरिक बाबा फेन तुहुरिन्के संग ओस्तेहेँक करी। जसिके उ रज्वा अपन संघरिया-नोकरहे माफ नै करुइया नोकरहे करल।”

“पर जे महिन्हे विश्वास करुइयाहे मोरिकमे विश्वास करनासे रोकी कलेसे, चाहे यी छुटी लरकक हस ना होए। उ मनैयक लग ते यी मजा हुई कि ओकर घेँचामे बरवार चकियक पठरा बहानके समुन्दरमे उहिहे फेँकादेहे।

तुहुरे का विचार करथो? कौनो मनैयक सौथो भेँरीनमेसे एकथो भेँरवा भटकके गैल कलेसे, उ उनान्सौ भेँरीनहे उ मनैनके थेन छोरके जाई, जेने ओकर संग एकथो सुरक्षित ठाउँमे काम करथाँ। तब ऊ पहाड़े-पहाड़ हुइती भटकके गैलक एकथो भेँरवाहे खोजे नै जाइत का?