निउतरह्या 11 سے مشہور بائبلی آیات

شئیر

जब बारनाबास शाऊलहे भेटाइल, तब ऊ शाऊलहे एन्टिओखिया शहरमे लैगिलस। तब् पूरा एक सालसम मण्डलीक मनैनके संग ओइने भेटघाट कर्ती रलाँ, और मनैनके बरवार समूहहे प्रभु येशूक बारेमे शिक्षा देलाँ। चेलनके सुरुकचो एन्टिओखिया शहरमे ख्रीष्टियन कहिगिलाँ।

बारनाबास वहाँ जाके परमेश्वरके अनुग्रह देख्के खुशी होगिल, और ओइन्हे सक्कुहुनहे पूरा मनसे प्रभुकमे विश्वासी पलिरना उत्साहा देहल। बारनाबास एकथो मजा मनैया रहे; और ऊ पवित्र आत्मा और विश्वाससे भरल रहे। और बहुत्ते मनै येशूहे विश्वास करलाँ।

तबेकमारे यी बात फरछ्वारे बा कि परमेश्वर ओइन्हे फेन वहे वरदान देलाँ, जोन वरदान हम्रिहिन्हे प्रभु येशू ख्रीष्टके उप्पर विश्वास कर्ली ते मिलल; कलेसे मै के रहुँ, जे परमेश्वरहे रोक्तुँ?” यी बात सुनके उ यहूदी विश्वासीन चिमचाम होगिलाँ। और परमेश्वरके प्रशंसा कर्ती ओइने कहे लग्लाँ, “तब ते परमेश्वर गैर-यहूदिनहे फेन सदाकालके जीवनके लग मन बदलके अपन पाप करे छोरना और येशू ख्रीष्टकेमे विश्वास करना मौका देले बताँ।”