२ कोरिन्थी 9 سے مشہور بائبلی آیات

شئیر

परमेश्वर तुहुरिन्हे तुहुरिन्के जरुरीसे फेन धेउर देहे सेक्थाँ। ताकि तुहुरिन्हे जरुरी परना हरेक चिज हरदम तुहुरिन्के थेन पलिरहे, और तुहुरे सक्कु मजा कामके लग प्रशस्त मात्रामे देहे सेको।

जिहिहे जतरा देना मन बा, ऊ ओत्रेहे देहे। मन दुखाके या केक्रो दबाबमे परके ना देऊ। काकरेकी खुशीसे देहुइयनहे परमेश्वर प्रेम करथाँ।

बात यहे हो, कि थोरचे बोउइयन थोरचे कट्हीँ, और बहुत्ते बोउइयन बहुत्ते कट्हीँ।

परमेश्वर जबफेन किसाननहे बुइक लग बिया देथाँ, और ओइन्हे खाइक लग खाना फेन देथाँ। ठिक अस्तेहेँके परमेश्वर यी फेन सम्भव बनैहीँ कि तुहुरिन्के थेन जबफेन पुग्ना मेरिक पैँसा पलिरहे, ताकि तुहुरे आकुर धेउर खुल्ला मनसे जरुरी परल मनैनहे देहे सेको। तुहुरे सक्कु ओहोँरसे आशिष भेटैबो, और तुहुरे सदादिन खुल्ला मनसे देनामे सक्षम होजिबो। और जब हम्रे तुहुरिन्के खुल्ला मनसे देलक दानहे जरुरी परल मनैनहे देहब, ते ओइने परमेश्वरहे धन्यवाद दिहीँ।

परमेश्वरहे हुँकार छावक लग धन्यवाद देऊ जोन असिन दान हो, जिहिहे वर्णन करे नै सेकजाइत।