काकरेकी यदि मै गर्व करना चाहम कलेसे फेन मै मूर्ख नै बनम, काकरेकी मै सँच्चे बोलम। पर मै अपनहे असिन घमण्डसे रोक्थुँ ताकि असिन ना होए कि जोन मनै महिन्हे हेरथाँ, और मोरिक बात सुन्थाँ, ओइने महिन्हे उहिसे धेउर मानिँत।
पर महिन्हे उ अचम्मक चिजके बारेमे घमण्ड नै करे परना हो, जोन चिज परमेश्वर महिन्हे देखैले बताँ। तबेकमारे समस्यक रुपमे मोरिक शरीरमे एकथो काँटा देगिल बा, जेकर कारण महिन्हे जिना मुश्किल होगिल बा। और शैतानके ओहोँरसे आइल दूत महिन्हे काँटालेके गोझक लग और महिन्हे घमण्ड करनासे रोकक लग देगिल बा।