રોમન પત્રો 5 سے مشہور بائبلی آیات

شئیر

પેન પરમેહેરુહુ આપુ માટે પોતા પ્રેમુલે ઈયુ રીતીકી આખેહે કા જાંહા આપુહુ પાપીજ આથા, તાંહા ઇસુ ખ્રિસ્ત આપુ ખાતુરે મોયો.

આને આશાકી નાજ નાહ આવતી, કાહાકા જે પવિત્રઆત્મા પરમેહેરુહુ આપનેહે આપીહી, તીયા મારફતે પરમેહેરુ પ્રેમ આપુ મનુમે ટાક્યોહો.

ખાલી ઓતોજ નાહ, પેન આપુ વેનારા સતાવુમ બી ખુશ વેતાહા, ઇ જાંયને કા સતાવ વેઠતા જાંયને ધીરજ રાખુલો હિક્તાહા. પરમેહેર આપનેહે ગ્રહણ કેહે કાહાકા આમુહુ ધીરજ રાખા હિક્યાહા, આને કાહાકા તોઅ આપનેહે સ્વીકાર કેહે, ઈયા ખાતુરે આમનેહે આશા હાય.

જાંહા આપુહુ વિશ્વાસ કેરામે ધર્મી ઠેરવામે આલા, તા આપનેહે પ્રભુ ઇસુ ખ્રિસ્તુહુ જો આપુ માટે કેયોહો તીયા લીદે પરમેહેરુ આરી મેલ-મિલાપ વી ગીયોહો. આપુ વિશ્વાસુ મારફતે ઇસુ ખ્રિસ્ત આપનેહે ઈયુ કૃપામે લાલોહો, જીહી આમી આમુહુ હાય, આમુહુ પરમેહેરુ મહિમામે ભાગીદાર વેરા આશામે ખુશ વેતાહા.

કાહાકા જાંહા આપનેહે મદદ કેનારો કેડોજ નાય આથો, તાંહા ઇસુ ખ્રિસ્ત ખેરા સમયુલે આપુ ખાતુરે મોયો.

આને જાંહા કા આમુહુ ઇસુ ખ્રિસ્તુ રોગુતુ બલિદાન મારફતે ધર્મી ઠેરવામે આલા, તા જરુર આપુહુ બી પરમેહેરુ દંડુકી ઉદ્ધાર પામી જાંહુ.

કાહાકા જેહેકી એક માંહા મારફતે નિયમ તોળુલોકી ખુબુજ લોક પાપી ગોણવામે આલા, તેહેકીજ માંહા નિયમ પાલન કેરુલોકી ખુબુજ લોક ધર્મી ગોણવામે આવી.

ખાલી ઓતોજ નાહ, પેન આમી આમા પ્રભુ ઇસુ ખ્રિસ્તુ કારણુકી પરમેહેરુ આરી આમા મેલ-મિલાપ વી ગીયો, ઈયા ખાતુરે આમુહુ ખુશ હાય.