ROMA 16 سے مشہور بائبلی آیات

شئیر

Janah Dibata sumbul kemalemen ate man banta minter me engkernepken Iblis i teruh tapak-tapak nahendu. Lias ate Tuhanta Jesus ras kam kerina gelah.

Kupindo man bandu o senina-seninangku: Metengetlah nandangi kalak si erbahanca pecah perpulungen dingen si erbahanca kalak papak alu ngelawan pengajaren si enggo ipelajarindu. Ola deherindu kalak si bage!

Sabap kalak si bage labo erdahin guna Tuhanta, Kristus, tapi guna beltekna saja nge. Alu ranan mehuli dingen muji-muji itipuna kalak si bujur-bujur ukurna.

Pujin man Dibata si ngasup mpeteguh kam i bas kiniteken rikutken Berita Si Meriah si kuberitaken, e me berita kerna Jesus Kristus dingen rikutken tangkasna rahasia si terbuni nai-nai nari. Tapi genduari rahasia e enggo tangkas arah kai si isuratken nabi-nabi. Janah erkiteken pedah Dibata, e me Dibata si rasa lalap, rahasia e ipebetehken me man kerina bangsa, gelah kerina banci erkemalangen erpalasken kiniteken man baNa. Terpujilah Dibata seh rasa lalap arah Jesus Kristus; IA kap ngenca si mada kepentaren. Amin.