ROMA 12 سے مشہور بائبلی آیات

شئیر

Ola pelepas dirindu jadi seri ras doni enda, tapi berelah maka perukurenndu ipelimbarui Dibata. Alu bage banci idatndu kai sura-sura Dibata, kai si mehuli, kai si ngena ateNa, janah kai si sempurna.

O senina-seninangku, nginget perkuah ate Dibata si mbelin si isehkenNa man banta, kupindo man bandu: Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur.

Meriahlah atendu i bas kam erpengarapen, megenggenglah kam i bas kiniseranndu, janah ertotolah kam man Dibata la erngadi-ngadi.

Ola pelepas kam talu ibahan si jahat, tapi talukenlah si jahat e alu perbahanen si mehuli.

Sikeleng-kelengenlah kam bagi si ersenina. Silebe-lebenlah kam i bas mpehaga teman.

Keleng ate ola min alu pekulah-kulah. Cigalah atendu si jahat janah persadalah dirindu ras si mehuli.

Asa ngasupndu usahakenndulah gelah meriah kam ras kerina kalak.

O teman, ola kal kam erbalas, tapi berelah dalan man Dibata guna nehken rawaNa. Sabap nina Tuhan i bas Pustaka Si Badia, “Kuukum me pagi! Kubalas me pagi!”

Ola kam mekisat, tapi tutuslah erdahin. Ergiah-giahlah ukurndu i bas ndahiken dahin Tuhan.

Janah erpalasken lias ate Dibata si enggo iberekenNa man bangku, kukataken man bandu kerina: Ola iakapndu ganjangen bandu asa patutna. Tapi arus maka rembang tengah pengukurindu kerna dirindu sue ras belinna kiniteken si enggo ibagi-bagiken Dibata man bandu sekalak-sekalak.

Adi lit kalak erbahan jahat man bandu, ola balas alu kejahaten. Bahanlah si mehuli rikutken pengakap jelma si nterem.

Sekalak-sekalak kam arus mperdiateken keperlun kalak si deban. Ola meganjang ukurndu, tapi pertemanilah kalak si meteruk pe. Ola beluh iakapndu bandu.

Tapi lit ka pe tersurat i bas Pustaka Si Badia, “Adi melihe imbangndu, bere manlah ia; adi muas ia, bere minemlah. Sabap adi bage perbahanenndu, mela dingen melas me iakapna.”

Pasu-pasulah kalak si pesega-sega kam, pasu-pasulah, ola sumpahi. Meriahlah ukurndu ras kalak si ermeriah ukur, tangislah kam ras kalak si tangis.

Raskenlah kinilitenndu ras temanndu si sada kiniteken, janah alokenlah kalak si reh kesilang ku rumahndu.

I bas kulanta si sada enda melala ringringna, janah kerina ringring e lit gunana. Bage pe, amin nterem gia kita, tapi sada kula kap kita i bas persadanta ras Kristus, janah kita ipersada kerina bagi ringring i bas sada kula.