มท 5 سے مشہور بائبلی آیات

شئیر

บอ เงา ออม มืร ปาย ตี. เซ ดูอี แฮะ ฮอต ปีด็อะ เงา ออม, เฆ ตู วี เบลห เงา ตี ครึม ซีลัยะ. เฆ แตห อัน กอย โดง จา, แตห ดอน อี อี กอย แคง กาง ปึอน ยึร. ปาย ตี บอ เบ ปี บลาง เงา. เบ โลว โบง นา หมึอม ดอน โมยว, แตห อี เฮา ปึอน ดี ยึร, แตห เฆ วี โหลห เฌาพรา อี มูห ฆูณ เบ อี กอย ฆางหราว, แตห บอ เฆ วี อืบ อัน.”

ดอ กอย เบ แดง กาดาย นี, เบ ปี เงา ออม อี แตห อึณ บลาง. เซ อึณ มูห มืง อี กอย แดง นอน, ดอน อี แฮะ ปึอน ยึร.

เซ ดูอี มึห น็อห ลูย, อึณ ดี แตห น็อห เฆ ดาคึย. โคว, เฆ ดี ยึร เฌาพรา.

เซ ดูอี มึห น็อห ซี ปึอน น็อห ซืร น็อห หมาน, อึณ ดี แตห น็อห เฆ ดาคึย. โคว, เฆ ดี ปึอน ปี ซี ปึอน เฆ.

โอว ยี ต็อห ดี เบ, เบ โลว ร็อก บอ รันซู เบ, ซาคึร ดาง เฆ อี โบง นา จีจีว ดี เบ.

“เซ ดูอี ตู ปีจา น็อห เฆ ดี เฌาพรา, อึณ แตห น็อห เฆ ดาคึย. โคว, เฆ ดี ปึอน ดี กอย แคง มืง ปี อึบ เฌาพรา.

เซ ดูอี โบง แตห เฆ ลาย กาล็อะ ลาย โพรม, อึณ ดี แตห น็อห เฆ ดาคึย. โคว, เฌาพรา ดี แตห เฆ แบน ฆอน อัน.

เซ ดูอี มึห น็อห กลึร โกบ กืน หมาบ เฆ, อึณ ดี แตห เฆ วี ดาคึย. โคว, เฌาพรา ดี ดึห แวน น็อห กลึร ตี.

เซ ดูอี คัม ดูก แบน โมยว แบน โมยว โกบ โบง เฆ แคะ ปี อึง เฌาพรา, อึณ ดี แตห น็อห เฆ ดาคึย. โคว, เฆ ดี ปึอน ดี กอย แคง มืง ปี อึบ เฌาพรา.

เซ ดูอี กาเว อี เฮา, อึณ ดี แตห น็อห เฆ ดาคึย. โคว, เฌาพรา ดี กาเว บอ เฆ.

เซ อี เฮา กาลาง นา ตู หมึอม ดี เบ, เซ เฆ บอ โบง แตห อึณ ดูก ดี เบ, เซ เฆ บอ กาโลว ดี ต็อห, เบ อาว อัห, เซ เฆ โบง ฌึร ตี โกบ หณึม เบ ดี โอว, อึณ ดี แตห เบ มึห น็อห ดาคึย. แตห เบ ดาคึย บอ โคย. แกวะ แตห เบ กลึร. โคว, เบ ดี ปึอน รูห กืน แคง มืง ฆางหราว. นา ตู หมึอม ปี โบง อี เฮา ดี เบ, เฆ แฮะ ดึอม โบง ปาย ตี บอ ดี ดูอี อี บยาน โฆรห เฌาพรา อี กอย ดี อาต เบ นี.”

เซ ดูอี ตู หงึย รู, อึณ ดี แตห น็อห เฆ ดาคึย. โคว, เฆ ดี ปึอน โตต ดอน โมยว ปี ดี โลว เฆ, ปี ต็อห เฌาพรา ดี ดัว.

เฌา เยซู วี ต็อห, “ดอ กอย เบ แดง กาดาย นี กาแต เฆ ดูอี เฮา, แตห เบ ปี ซัยะ อี ฮับ แคง ฮาบ. เซ ซ็อง ซัยะ ตี ยี หราย, อาว ปึอน ฮับ มาเซ อี แป ดี แตห ซัยะ วี ซ็อง. ซัยะ ตี อาว มึห ดีโคว มาเซ. โลว แวน โตต, แตห อี แณต.

โคว อัน ตี โอว ต็อห, แตห ปี โบง เบ เฌะฌูง ปี เฌาพรา อี กอย ฆางหราว แฮะ เฌะฌูง.”

โคว อัน ตี เซ แฮะ มูห, เบ โลว ต็อห, ‘แฮะ มูห.’ เซ อาว มูห, เบ โลว ต็อห, ‘อาว มูห.’ เซ เบ โลว กาลาง หลึอม ตี, แตห อี หณึม โฆรห เบ, อึณ ตู หมึอม. โบว กานัม อี ฮาย กาเซา, อัน นับ ดี โบง แตห อี กาโลว, วี คัม โฆรห กาซัม ดืง.

เบ มืร แฮะ ดึอม ยึร โฆรห เฆ ดา ตาง อี กอย ดอ มึอน. เฆ แฮะ ต็อห, ‘อาเซ โบง แตห งาย อี เฮา อับ, อี เฮา โลว วี โบง แตห บอ งาย อัน อับ. อาเซ โบง แตห หราง อี เฮา กาบัก, อี เฮา โลว วี โบง แตห บอ หราง อัน กาบัก.’ โอว ยี ต็อห ดี เบ, แกวะ โบง เวียะ มาเซ ดี ดูอี อี ตู หมึอม. เซ ดูอี อู วี กาทัะ กาลา เบ อู บลาก, แตห เบ วี แตห อัน กาทัะ ปอ อู บลาก.

เซ อึณ มูห งาย เบ บลาก อาอัห อี แตห เบ โบง หมาบ, แตห เบ แฆวะ เลห บอ แวน งาย ตี. เซ โดว เบ แฮะ เช ลึร อู โปละ, อึณ หมึอม หลึอม มึห เบ โดว โบ็ง อี เฌะฌูง, ยี โจห กาโละ งาราย บอ ชึม โตต. บอ ปาย ตี. เซ อึณ มูห แด เบ บลาก อาอัห อี แตห เบ โบง หมาบ, แดบ แวน แด ตี. เซ เบ ตู มึห แด ตี, อึณ หมึอม หลึอม มึห เบ โดว โบ็ง อี เฌะฌูง, ยี โลว โจห กาโละ งาราย บอ ชึม โตต.