มท 28 سے مشہور بائبلی آیات

شئیر

โคว, โอว จัร เบ ฮาว ดอน นา ดอน โปละ, แดะ ดูอี ดอน โมยว แบน ดีแบ โอว. เบ บอ โลว ฆาว บอ ปวน เฌาพรา, อี มูห ฆูณ โอว บอ ปวน โอว บอ ปวน น็อห พึอม เฌาพรา, จึบ เฆ แคง อึม. แตห เบ บอ มาโนว เฆ, แตห เฆ โดบ ซีคยา ปี มาโนว โอว ดอน โมยว ดี เบ. โอว มืร ดี กอย รึม โดบ เบ เซเซ, แตห กอ ฌัม อาคราว ปัน ดี โตต ฌาด นี.”

ปัน ตี เฌา เยซู วี ตัห ฌัม กาตัด เฆ, วี ต็อห, “แคะ บอ มึห ปวน โตต ดอน โมยว บอ แดง กาดาย บอ แคง ฆางหราว, เฌาพรา แฮะ อาบ ดัว โตต ดี โอว.

อามู อามาด เฌาพรา ตึอน ยี กาลาง โฆรห ดี อีบึณ อา วี ตึอน. อัน ต็อห, “แกวะ โยว. โอว แฮะ นับ, บาย แฮะ ตัห ยอด โดว โบ็ง เฌา เยซู อี แฮะ ฮอต ยัม แดง ร็อง กาแวะ. อัน ตู กอย ดี นี, อัน แฮะ วี ยีต วี อีม. อึณ แฮะ แบน ปี ดึอม กาลาง อัน ดี เบ. แตห บาย ตัห ยอด โดง ปี ดึอม เบลห อูน เฆ โดว โบ็ง อัน.

อัน วี ต็อห ดี ฆาย, “แกวะ โยว. ฮาว กาลาง ดี เฆ บีนอง โอว, เซ เฆ ฮาว ฌัม อืง ฆาลีเล, เฆ ดี บอ ยึร โอว.”

เฆ ดา ตาง อี แยต เฆ ดูอี อี หลู ดี เฌาพรา, เฆ ยี กาลาง ดี เฆ ดา ตาง อี อึบ มืง. แฮะ ฮอต, เฆ วี ลาย โพรม ดี กาโลว ดี อี. เฆ วี ดัว รึอน กืน ดี ดูอี บัร กาเดา บาเรว ตึอน. เฆ วี ต็อห, “เบ โลว กาลาง ดี ดอน อี, ลอง ดีแบ ดูอี ตึอน, เฆ แฮะ ตัห แคง หมึร ดอ อีด เบ, วี ปรา ดี ดึห ฮาว โดว โบ็ง อัน. เซ ดา กาณา เบ ดี บอ นับ ลอง อัน ตี, เย ดี กาลาง โฆรห ดี อัน, แกวะ แตห อึณ แบน หมาบ เบ.” โคว, เฆ ดา ซึก ตึอน วี ดึห รึอน ดี ดา ตาง เฆ, วี กาลาง โตต ดอน โมยว ปี ดัม เฆ ดา ตาง. กอ ฌัม อาตึร นี, เฆ ดูอี อายูดา อี กอย ดอน นา ดอน โปละ, เฆ บอ นับ ปี แค เฆ ลอง ปรา เฆ โดว เฌา เยซู.