ยก 5 سے مشہور بائبلی آیات

شئیر

โคว อัน ตี เบ บอ โลว ลาย กาลาง หมาบ เบ, ลาย ซาคึร ดาง เบ, แตห เบ แกน. เซ ดูอี มึห น็อห ซืร น็อห หมาน, ปี ซาคึร อัน มึห ปวน ตาง. อัน ดี ปึอน ปี หมาณ อัน.

เซ อึณ ยี มึห บีนอง กาแต เบ, อี แฮะ กาดูห ดูก, แตห อัน ซาคึร ดี เฌาพรา. เซ อึณ มูห ดูอี ดาคึย, แตห อัน ต็อห อึณเจณ, อืบ เฌาพรา แคง น็อห.

เซ เฆ ซาคึร ปาย ตี บอ หณึม บึง เฌาพรา, อึณ ดี แตห ดูอี เซา วี แกน. เฌาพรา ดี แตห อัน วี ปึอน ยีต ฮาว. เซ ดูอี เซา มึห หมาบ, เฌาพรา ดี บอ ฆ็อห แวน หมาบ อัน ตี.

เซ อึณ มึห ดูอี กาแต เบ อี แฮะ เซา, มึห รอฆา, แตห อัน แดะ เฆ ดา ตาง แคง พึง เฌา เยซู. แตห เฆ ตัห, พ็อห นามัน แดง ฆีณ อัน, ฆาว ปวน เฌา เยซู, ซาคึร ดาง อัน.

โคว, โอว ต็อห ดี เบ, เซ ดูอี อู วี แฮะ โบง หมาบ, เซ ปอ อู วี วี จอย แตห อัน วัห อึณเตณ หมาบ ตี, วี ฮาว โดบ อึณเตณ หมึอม, อัน แฮะ คยอด ดูอี ตี, แกวะ แตห อาซาก อัน ชึม. อัน บอ จอย แกวะ ฮู แตห หมาบ วี มึห กืน. แคะ ตี โอว อายาโกบ แฮะ แดม แปะ ดี เบ ดูอี อี หณึม เฌา เยซู.