โฆรห นี ตัห ดี อาโมว อี มูห ดา อี เฮียง มาบู, อี กอย แคง มืง เดกอ แคง อืง ยูดา. อัน ยึร อาโรง ปี บยัะ เฌาพรา ดี อัน ดอ มูห โจว บาน คูนดีคัม อาอูฌียา อี มูห คูนดีคัม แคง มืง ยูดา บอ ดอ มูห โจว บาน อาเยโรวโบว อี มูห ฆอน อาเยโฮวอาด อี มูห คูนดีคัม แคง มืง อีซาเรลัะ. ดอ อัน ตี อึณ มูห อา ซีนัม อาต มาอีม เยณ.
เฌาพรา แฮะ กาลาง ดี อาโมว ปาย นี. “เฌาพรา แฮะ กอย ดี นอน ฌีโอน บอ เรียง ปี มาครังซี. อัน แฮะ กอย แคง มืง เยรูซาแลม บอ ดัด ตาง. ดอ อัน ตี โดง เฮียง เฆ มาบู, เปต เฆ แปร บอ เฮียะ กาฮ็อห อู เฌณ. เปต แดง นอน ฆาเมลัะ ตึอน แฮะ ฮอต เฮียะ กาฮ็อห โตต.”