2 ปต 1 سے مشہور بائبلی آیات

شئیر

ปวน เฌาพรา แฮะ แตห เอ มึห โตต ดอน โมยว แคะ ปี โลว เอ, แตห เอ ปึอน ดี กอย แดง กาดาย นี บอ แตห เอ ปึอน ดี โดบ เฌาพรา. อัน เฌา อี แฮะ มึห อาพูง ดังโคว บอ มึห น็อห บอด น็อห หมึอม, อัน แฮะ แตห เอ ลาย นับ ดี อัน. โกบ แฮะ ลาย นับ เอ ดี อัน ตี, เอ แฮะ ปึอน โตต ดอน โมยว แคะ ปี โลว เอ. โคว อัน ตี อัน เฌา แฮะ ดัว กาดีก ซัดฌา อี แฮะ ง็อห ตาง กาเซา ดี เอ. โกบ บึง เบ กาดีก ซัดฌา อัน ตี, อึณ ดี แตห เบ ลอด โมยว อี นับ ดี ลึร, อี นับ ดี ชึม แดง กาดาย นี, แตห เบ กาดึก กาด็อะ ดี เฌาพรา บอ แตห เบ มึห น็อห อี ปี น็อห เฌาพรา.

โกบ อึณ ปาย ตี, แตห เบ คัด น็อห ดี หณึม ซีคยา เฌาพรา. เซ เบ แฮะ หณึม ซีคยา เฌาพรา, แตห เบ บอ มึห อางยาน อี นับ แบน โมยว แบน โมยว. เซ เบ แฮะ มึห อางยาน อี นับ แบน โมยว แบน โมยว ตี, แตห เบ แป ดี อึบ โดว บรีม เบ. เซ เบ แฮะ แป ดี อึบ โดว บรีม เบ ตี, แตห เบ วี มึห น็อห อี คัม ดี ยืน. เซ เบ แฮะ มึห น็อห อี คัม ดี ยืน ตี, แตห เบ วี มึห น็อห ซี โดบ ซีคยา เฌาพรา. เซ เบ แฮะ มึห น็อห อี ซี โดบ ซีคยา เฌาพรา ตี, แตห เบ วี มึห น็อห ลาย ร็อก ดี บีนอง. เซ เบ แฮะ ลาย ร็อก ดี บีนอง เบ, แตห เบ วี มึห น็อห ร็อก ดอน อี.

เซ เบ แตห นา หมึอม ฌึร ตี แกร ดี กืน แคง น็อห เบ, อึณ ดี แตห เบ ออน ดี โบง นา หมึอม แบน โมยว แบน โมยว, แตห อึณ บอ แบน อาฆยึร ดี เบ. อึณ แตห เบ บอ มึห อางยาน อี นับ ซีคยา เฌา เยซู.

โคว อัน ตี เบ บีนอง โอว, แตห เบ แว ออน ดี โบง แตห อึณ กาอาบ ดี เฌาพรา อี แฮะ ร็อห เบ, แตห เบ โหลห เซเซ ลอง อัน ตี. เซ เบ โบง ปาย ตี, เบ ตู แวน เฌาพรา ดอ เหมา.