2 คร 4 سے مشہور بائبلی آیات

شئیر

โคว, เย ตู เฌณฌา ลอง ปี ยึร ดี งาย. เย เฌณฌา ลอง ปี ตู ยึร ดี งาย. โคว, โมยว ปี ยึร ดี งาย, อัน บอ กอย อู กาจัน. โมยว ปี ตู ยึร ดี งาย, อัน ยี กอย เซเซ.

โคว อัน ตี น็อห เย ตู ลึร ดอ เหมา. โดว โบ็ง เย ปี บอ แฮะ รีน ดี ยัม มืร, น็อห พึอม เย ยี วี อึณปราย ดอน ซีแง, แตห อึณ แบน ปี อี กามาย. ดูก ปี กาดูห เย อี แจก อี แจก, อู กาจัน อู กาบรึห, อึณ ดี วี แตห เย มึห อาพูง ดังโคว อี กอย เซเซ, ตู นับ ดี โตต. ดูก แปะ แฮะ คัม เย, อาว หงึย ดี กาดาน อาพูง ดังโคว ตี.

เย แฮะ คัม ดูก กาเซา แบน โมยว แบน โมยว. มาแล, อึณ ยี ตู แตห เย ชึม. มัง เฌณ เย แฮะ ดูก หณาบ กอ ฮู นับ ปี บอ มูห. มาแล, น็อห เย ยี ตู ลึร ดอ เหมา. อี เฮา บอ ดัว ดูก ดี เย, มาแล, เย ตู ดึอม มึห ดอ ตู มึห ฆึก. เย แฮะ กาดูห มัห แบน เฌณ แบน เฌณ. ยี ตู ลึร ชึม ดอ เหมา.

เฌาพรา แฮะ ฮับ อาพูง ดังโคว อัน แคง น็อห เย, แตห อึณ ปี อัน แฮะ เครียง อูน โกรว อี บอด กาเซา แคง กาโละ กาดาย อี ตู มึห ดี ง็อห ดี คัน. ปาย ตี, อึณ ดี ลึห ซีคยา ลอง ปวน อี แฮะ ตาง หลึอม โตต, อึณ มูห ปวน เฌาพรา. อึณ ตู มูห ปวน เย.

อัน เฌา ปี กรึบ ดูอี แดง กาดาย นี, อัน แฮะ อึบ อางยาน เฆ ดูอี ฌึร ตี, แตห อึณ ปี งาย เฆ แฮะ อับ ว็อง. โคว, เฆ ตู หณึม. อึณ ตู ลึห ดี เฆ ลอง โฆรห เฌาพรา อี แตห น็อห ดูอี ดาคึย, อี ปี บลาง. เฆ มืร ตู ปึอน ยึร อาพูง ดังโคว เฌา เยซู, อี ปี เฌาพรา อาคัร หมาน.

เฌาพรา อี แฮะ ต็อห, “แตห บลาง ทอง โดง อับ ว็อง,” เฌาพรา ตี แตห อึณ บลาง บอ แคง น็อห เอ, แตห เอ ยึร อาพูง ดังโคว เฌาพรา โกบ หณึม เอ เฌา เยซู.