2 คร 12 سے مشہور بائبلی آیات

شئیر

อัน เฌา ยี วี ต็อห ดี โอว, “เฆฌู ปี ดัว โอว ดี แม, อึณ แฮะ ฆลึม อาดา แม. โคว, ดอ ดีหลัห แม, อึณ ดี ลึห ซีคยา, ปวน โอว แฮะ เฌะฌูง.” ปาย ตี, โอว แฮะ โคย กาเซา, โอว แฮะ ปึอน ดี ปีพูง โอว โกบ ดีหลัห อึณจัม โอว. อึณ แตห ปวน เฌา เยซู กอย รึม โดบ โอว.

อึณ แฮะ ดาคึย กาเซา ดี น็อห โอว โกบ ดีหลัห อึณจัม โอว, โกบ แปะ แฮะ แนนัะ อี เฮา ดี โอว, โกบ แปะ แฮะ คัม โอว ดูก แปะ แฮะ คาหนาบ อี เฮา ดี โอว บอ โกบ ดูก แปะ แฮะ กาดูห โอว อี หณาบ กาเซา. โอว แฮะ คัม ดูก ฌึร ตี ดอน โมยว โกบ แฮะ หณึม โอว เฌา เยซู. โอว โคย ปาย ตี, โคว, ดอ ดีหลัห อึณจัม โอว, เฌาพรา แฮะ วี ดัว โปลม, ดัว แฮณ ดี โอว.

เซ โอว ปี บอ ปีพูง โดว บรีม โอว มืร, โอว ตู มูห ดูอี รึร. โอว ดี บอ กาลาง โฆรห หมาน. มาแล, โอว ยี ตู ปีพูง โอว. โอว ตู ซี แตห อี เฮา โรวเซ โอว หลึอม ปี ยึร เฆ, หลึอม แปะ แฮะ ดึอม โบง ดึอม กาลาง โอว. โกบ แฮะ บยัะ เฌาพรา อี หมึอม อาม แบน โมยว แบน โมยว ดี โอว, อัน ตู ซี แตห โอว ปีคึก โอว. โคว, อัน แฮะ แตห โอว คัม เซา กาเซา อี ปี ดีค็อง แคง ยัง โอว. อึณ บอ ปี โบว กานัม ดัว ดูก ดี โอว เซเซ.