1 ทม 6 سے مشہور بائبلی آیات

شئیر

แตห แม หณึม ซีคยา ดอน โมยว ลอง อาซาก กามาย ปี ดัว เฌาพรา ดี แม. เฌาพรา แฮะ แดะ แม บอ ดัว อาซาก กามาย ตี ดี แม ดอ กาลาง แม ดี อาต ดูอี กืน ลอง แฮะ หณึม แม เฌา เยซู.

โคว, น็อห อี ร็อก รึอน, อึณ บอ ปี เรียห เฮ. เซ อึณ ลัต, อึณ ดี เลห อี ตู หมึอม ดอน โมยว. ดูอี มัง อี แฮะ กาดึก กาด็อะ ดี รึอน เฆ ครีว บอ แวน ปี หณึม เฆ. น็อห เฆ มืร, อาว ฮู ดาคึย โกบ กาดูห เฆ ดูก แบน โมยว แบน โมยว.

อึณ ยี แฮะ หมาน, เซ เอ โรวเซ เฌาพรา, เซ แคะ ปี มึห เอ แตห อึณ เบระ ดี น็อห, อึณ แบน อาฆยึร กืน กาเซา ดี เอ.

โคว, ดอ ฆึอด ตัห เอ แดง กาดาย นี, เอ มืร ตู มึห ดี ดึห ตัห มาเซ. เซ เอ ปี วี เลห ฮาว, เอ มืร ตู ปึอน ดึห ฮาว มาเซ อี กอย แดง กาดาย นี.

อี มูห เฆ ดูอี อี มึห โกรวกราม แดง กาดาย นี, แม โลว มาโนว เฆ, แกวะ แตห เฆ ปีคึก น็อห เฆ. แกวะ แตห เฆ บึง โกรวกราม เฆ อี นับ ดี หราย. แตห เฆ บึง มี เฌาพรา อี นับ ดี ดัว โตต ดอน โมยว ดี เอ, แตห อึณ แบน น็อห ดาคึย ดี เอ.

มาแล, เฆ อี มึห น็อห ซี ครัม, เฆ ดี กาดูห อี ปยาต อี เกา เฆ, อึณ บอ ปี เฆ แฮะ เคร ยอต. น็อห ลอพัะ เฆ, อึณ ดี แยต เฆ โบง อี รึร กาเซา, แตห เฆ ลึร ชึม โตต.

แม โลว จัร เฆ, แตห เฆ โบง นา หมึอม. นา บอด นา หมึอม ปี โบง เฆ ตี แตห อึณ กืน, แตห เฆ มึห น็อห ดีฮาง อี นับ ดี กาซาง ดัว ดี อี เฮา. เซ เฆ โบง ปาย ตี, อึณ ปี เฆ เบลห อูน โกรว อี บอด อี หมึอม อี นับ ดี จอย เฆ. ฌาด ดี ตัห แตห เฆ ปึอน ดี บึง อาซาก กามาย อี มูห อี หมาน อาคาคัร.