1 ทม 1 سے مشہور بائبلی آیات

شئیر

โฆรห อี ต็อห, “เฌา เยซู ตัห โลง แดง กาดาย นี, แตห อัน คยอด เฆ ดูอี อี มึห หมาบ,” โฆรห ตี, แฮะ มูห โฆรห หมาน อาคาคัร. เอ ดูอี บอกาเฆลียด โลว โนว อูน โฆรห ตี. แคะ กอย ดูอี อี มึห หมาบ, แฮะ มูห โอว นี อี มึห หมาบ กืน หลึอม อี เฮา ดอน อี.

มาแล, เฌาพรา ยี วี กาเว โอว, ปี วี แตห เฌา เยซู บยัะ น็อห อัน อี คัม ดี ยืน เหลณ. อัน บอ คยอด โอว อี มูห ดูอี อี มึห หมาบ กืน ตี. อัน เฌา โบง ปาย ตี, แตห อัน ปึอน ดี บยัะ แหน โอว ดี อี เฮา, แตห บอ เฆ วี หณึม วาย นี, แตห บอ เฆ ปึอน อาซาก กามาย อี กอย เซเซ.

โอว แฮะ จัร แม โบง ปาย ตี, โกบ ซี แตห โอว เบ ลาย ร็อก. เซ อี มึห น็อห ลูย, น็อห อี ตู พยาก โดว บรีม, บอ น็อห อี ตู ณึงราง ดี หณึม, เฆ ดี บอ นับ ดี ลาย ร็อก ปาย ตี.

โคว อัน ตี โอว อืบ เฌาพรา อี มูห คูนดีคัม อี กอย เซเซ ดอน โจว ดอน บาน, อี ตู นับ ดี ยัม ดอ เหมา. เอ ดูอี ตู ปึอน ยึร อัน ดี งาย เอ. อึณ ยี มึห มี เฌาพรา อู กาดัง ตี. แตห ดอน อี โรวเซ อัน. แตห อัน เฌา มึห อาพูง ดังโคว บอ มึห ซาเร เซเซ. ซาตู.

เอ บอ แฮะ นับ, ดารา ตี เฌาพรา ตู ดัว ดี เฆ ดูอี อี มึห น็อห ซืร น็อห หมาน. อัน ดัว ดารา ตี ดี เฆ ดูอี อี แวน โฆรห เฌาพรา, อี กาบัห ดี โฆรห เฌาพรา. อัน ดัว ดารา อัน ตี บอ ดี ดูอี อี ตู กรึบ เฌาพรา, อี โบง หมาบ เซเซ. อัน เฌา ดัว ดารา ตี บอ ดี เฆ ดูอี อี ตู บอด อี ตู โรวเซ เฌาพรา บอ ดี เฆ อี ง็อห ฆูณ มา, ง็อห บอ อี เฮา. เฌาพรา บอ ดัว ดารา อัน ตี ดี เฆ ดูอี อี ลาย ลูต ลาย ลาย บอ ดี อีมาย นังฆัน, บอ ดี ดูอี อี ย็อง ดูอี เฮา แบน หมาย อี บอ ดี ดูอี อี ซีมา กาโลว, ดูอี อี แบน ซักเซ, กาลาง นา ตู หมาน บอ ดี เฆ อี นับ ดี โบง แบน โมยว แบน โมยว อี กาบัห ดี ดารา เฌาพรา อี มูห อี หมาน.