1 ปต 2 سے مشہور بائبلی آیات

شئیر

อี มูห เบ, เบ แฮะ แบน ดูอี ปี ร็อห อัน เฌา. อัน แฮะ แตห เบ แบน ดูอี อี หลู ดี เฌาพรา บอ แบน ปี คูนดีคัม. เบ แฮะ แบน ดูอี อาโมยว อี ซีงา บอด. เบ มูห ดูอี ปี อึบ เฌาพรา. อัน แตห เบ กาลาง แปะ แฮะ โบง อัน เฌา อี หมึอม อาม กาเซา. อัน แฮะ แตห เบ เลห แคง อับ ว็อง, แตห เบ วี กอย แคง บลาง อัน เฌา. บลาง ตี ยี หมึอม อาม กาเซา.

อัน เฌา แฮะ คัม ดี ดึห โตต หมาบ แปะ แฮะ ลูต เอ บอกาเฆลียด, แตห อัน คัม หมาบ ตี ดอ ยัม อัน แดง ร็อง กาแวะ. อึณ ปี บอ เอ แฮะ คัม ดี ยัม. เอ อาว ฮู มึห หมาบ มาเซ. เอ แฮะ ปึอน อาซาก กามาย อี โดบ นา มูห นา หมาน. โกบ แฮะ คัม อัน เฌา ดี เซา ดี ดีม กาดาง เบ, อึณ แตห บอ เซา รอฆา เบ หราย. อาต นี บอ เบ แฮะ กาลึบ. เบ แฮะ ปี มาบู อี แฮะ โบยห. ดอ ตี นี, เบ ยี วี ปึอน ดี โดบ ดา อี เฮียง มาบู อี มูห อัน เฌา อี อึบ น็อห พึอม เบ.

อาต นี, เบ ตู มูห ดูอี ปี อึบ เฌาพรา. ดอ ตี นี, เบ แฮะ วี แบน ดูอี ปี อึบ เฌาพรา. อาต นี เบ มืร หณัม ปึอน ปี เฆฌู เฌาพรา. ดอ ตี นี, อัน เฌา ยี แฮะ เฆฌู เบ.

โกบ แฮะ คัม เบ ปี เฆฌู เฌาพรา, เบ แฮะ ปี ฆอน งัะ อี ฆึอด กามาย. โคว, แตห เบ ซี โทม โฆรห เฌาพรา อี ซีงา บอด, แตห อึณ ปี ฆอน งัะ อี กาปราณ มี อึม ปู ดีโลย. เซ เบ โบง ปาย ตี, เบ ดี บอ แกร ดี หณึม ซีคยา เฌาพรา, แตห อึณ คยอด เบ.

อึย เบ บีนอง ปี ร็อก โอว, โอว ซี กาซูห เบ. โกบ มูห เบ ดูอี อี ปี แคต บอ ดูอี อี ตู มึห โดง ดี กอย เซเซ แดง กาดาย นี, แกวะ แตห เบ โดบ น็อห กาวาต เบ อี ซี ปยาต น็อห พึอม เบ. แตห เบ โบง นา บอด นา หมึอม กาแต เฆ ดูอี อาโมยว เฮา อี ตู หณึม เฌาพรา. เฆ ปี บอ ต็อห, เบ มูห ดูอี ฮาย ดูอี มืก มืร, เซ เฆ วี ยึร ปี โบง เบ นา บอด นา หมึอม, อึณ ดี แตห เฆ อืบ เฌาพรา ปัน ดี วี ตัห โลง เฌา เยซู.

บอ เบ แฮะ ปี มาว อี แฮะ มึห อาซาก. เฌาพรา แฮะ แตห เบ กอย รึม, แตห บอ น็อห พึอม อัน กอย กาแต เบ. ปี โบง เฌาพรา ตี, อึณ ปี อัน ซัม โฮว อาดา เบ อี แฮะ ปี ดูอี อี หลู ดี เฌาพรา. ปี หลู เบ ตี ยี ตู มูห โกรวกราม. อึณ มูห ปี ดัว น็อห พึอม เฌาพรา ดี เบ. ปี ดี หลู ฌึร ตี, อึณ แฮะ ล็อะ น็อห เฌาพรา โกบ หณึม เบ ดี เฌา เยซู.

โคว อัน ตี แตห เบ แวน อี ฮาย อี มืก ดอน โมยว. แกวะ แตห เบ กาโลว, แกวะ แตห เบ ณึงราง บอด บอ ลาย หลัยะ, ลาย พยาก ดอ เหมา.

แตห เบ บอ ตัห บึง อัน เฌา อี ปี มาว อี นับ ดี ดัว อาซาก กามาย ดี อี. อึณ ปี เฆ ดูอี อี ซัม กาง แฮะ แวน มาว ตี ต็อห, อาว มึห ดีโคว. มาแล, เฌาพรา ยี แฮะ ร็อห อูน, แฮะ ต็อห, ง็อห อัน แฮะ ตาง กาเซา.

แตห เบ ปี ดูอี อี แฮะ กอย ทังฮาง. มาแล, เบ แกวะ ดึห ลอง ทังฮาง เบ ตี, แตห อึณ วี ซีบลึก ปี โบง เบ อี ตู บอด ตู หมึอม. แตห ปี โบง เบ ยี ปี ปี โบง เฆ แดเจณ เฌาพรา.

โคว, เฌาพรา ซี แตห เบ โบง นา บอด นา หมึอม, แตห อึณ บอ กาบีด โมต เฆ ดูอี รึร อี ตู นับ มาเซ, อี ตู มึห อางยาน.