Zakharia Uram 9 سے مشہور بائبلی آیات

شئیر

We, sun Sion mutuk dub nang a, sun kilkil kanya bobdarur. We, sun Yerusalem atei nang a, sun kanya teleb aryi mot ur sebdarur. Dirandarur, sun talebkwansir Weik Sienyi bira kikimanto kuboka lemsinanyi bisi sunti yankwansir. Ani, Erda sun mar ordana nang asi muna ordongon mikib bobunyi bisi sun dam yankwansir. Ati, sunci dibdendarur. Anyi bira namin kanya borurnyi bisi bisam keledai deici bukmararyi sun dam yankwansir. Er bukokabdiryi, yankwande bisam keledai ara mi ukuryok kabunyi neblobmaci bisam deici bukmariryi, yankwansir.

Erci Efraim mutuk nang bukoka kongkong eryibaramingnyi kongkong ena kum daneibkwande. Ani, Yerusalem nang bukoka mar bobaramingnyi bisam kuda mer ara kum daneibkwande. Mar ordan yin mar ababyi kum daneibci ura, erci im dangna mutuk tukwe dangna mutuk nang asi mangkau kun uram ebkarebkwande. Erci talebkwande mutuk ara weik me kwan deibwe ai yaletam aryi kuboka kitingbantam sirya talerbinkwande. Ani, me Efrat u doboka yuryibiu ai aryi kuboka ani, im dimna ai tukwe dimna ai mutuk nirya talebkwande.

A tum aryi sun Nai Molonanyi Imtamnyi biryi sunsi lebdeibkwande. Ara, bisam domba kalingnanyi biryi bisam domba mer asi bai kam aryi obde yina ati kalingnande to Er uram keken nang asi kalikwande. Diba ati, sunda Er Iya Erebdobnyi mutuk dam kubkwaming ara weik sien nang kaluna asing lotongdongona mil dangding erande ato nang kubkwaming